![](https://kh.tnaot.com/wp-content/uploads/2020/09/b76f283afc6f11eaac01fda3ef41ee94.jpg)
ខ្សែបម្រើ Arturo Vidal បានមកដល់ទីក្រុង Milan មុនពេលដែលការផ្ទេរពីក្លិប Barcelona ទៅ Inter ប្រកាសជាផ្លូវការ។
កីឡាករសញ្ជាតិឈីលីរូបនេះ ធ្លាប់ធ្វើការជាមួយគ្រូបង្វឹក Inter លោក Antonio Conte កាលពីនៅក្លិប Juventus ក្នុងរយៈពេល ២ រដូវកាល។ Vidal បានបង្ហាញខ្លួន ៤៣ ដងសម្រាប់ Barca កាលពីរដូវកាលមុន ប៉ុន្តែនៅរដូវកាលនេះចាប់តាំងពីគ្រូបង្វឹកថ្មី Barca គឺលោក Ronald Koeman ចូលមកដឹកនាំមក លោកមិនបានជ្រើសរើសខ្សែបម្រើខាងលើទៅក្នុងប្រព័ន្ធលេងរបស់ខ្លួននោះទេ ដោយចង់ឱ្យចាកចេញដូចជា Ivan Rakitic និង Arthur។
យ៉ាងណាមិញ តាមរបាយការណ៍បានឱ្យដឹងថា Inter នឹងត្រូវចំណាយប្រាក់ ១ លានផោន លើការផ្ទេរកីឡាករវ័យ ៣៣ ឆ្នាំ រូបនេះ ហើយការផ្ទេរនេះត្រូវបានគេរំពឹងថានឹងបញ្ចប់ជាផ្លូវការនៅថ្ងៃច័ន្ទនេះ៕
កែសម្រួលដោយ៖ ភារ៉ា
ប្រភព៖ livescore