Sign In 
បណ្ឌិត ប៉ែន ស៊ីម៉ន ប្រគេនទេយ្យវត្ថុ និងសម្ភារសម្រាប់ព្រះសង្ឃដែលកំពុងសិក្សានៅឃុំជុំគ្រៀល
ខេត្តកំពត៖ រសៀលថ្ងៃសៅរ៍ ៥កើត ខែស្រាពណ៍ ឆ្នាំ ជូត ទោស័ក ព.ស២៥៦៤ ត្រូវនឹងថ្ងៃទី២៥ ខែកក្កដា ឆ្នាំ២០២០ បានធ្វើពិធីបុណ្យសង្ឃទាន ប្រគេនទេយ្យវត្ថុ និងសម្ភារសម្រាប់ព្រះសង្ឃដែលកំពុងសិក្សា និងគង់ចាំព្រះវស្សា វត្តជុំគ្រៀល ស្ថិតនៅឃុំជុំគ្រៀល ស្រុកទឹកឈូ ខេត្ត កំពត ។
ពិធីនេះមានវត្តមាន ឯកឧត្តម បណ្ឌិត ប៉ែន ស៊ីម៉ន អ្នកតំណាងរាស្ត្រ និងជាប្រធានគណៈកម្មការទី១០ នៃរដ្ឋសភា អមជាមួយនឹង ឯកឧត្តមជាវ តាយ អភិបាលនៃគណៈអភិបាលខេត្ត និងលោកជំទាវ ឯកឧត្តម ជឹង ផល្លា ប្រធានក្រុមប្រឹក្សាខេត្ត និងលោកជំទាវ រួមជាមួយឯកឧត្តម លោកជំទាវ លោក-លោកស្រី សមាជិកក្រុមប្រឹក្សាខេត្ត អភិបាលរងខេត្ត លោក អភិបាលក្រុង និងថ្នាក់ដឹកនាំមន្ទីរ អង្គភាពជុំវិញខេត្ត យាយជី តាជី ប្រជាពលរដ្ឋ សិស្ស និស្សិតប្រមាណជាង១០០នាក់ផងដែរ ។
មានប្រសាសន៍សំណេះសំណេះសំណាល ឯកឧត្តម ប៉ែន ស៊ីម៉ន បានថ្លែងការកោតសរសើរចំពោះខេត្តកំពត ពិសេស ឯកឧត្តម ជាវ តាយ និងភរិយា ព្រមទាំងថ្នាក់ដឹកនាំមន្ត្រីរាជការនៃមន្ទីរអង្គភាពជុំវិញខេត្ត រួមទាំងពុទ្ធបរិស័ទសប្បុរសជន ដែលបាននាំគ្នាផ្ដើមធ្វើនូវ ពិធីនេះឡើង។
ឯកឧត្តម ក៏បានចាត់ទុកនេះ គឺជាបុណ្យកុសលដែលពុទ្ធបរិស័ទខែ្មរយើងតែងមានជំនឿនិងធ្វើទៅតាមទំនៀមទំលាប់ប្រពៃណីនៃព្រះពុទ្ធសាសនាដែលជាសាសនារបស់រដ្ឋដ៏រុងរឿងនៃយើងជារៀងរាល់ឆ្នាំពុំដែលខាន ដើម្បីសំដៅជួយផ្គត់ផ្គង់សម្រាលការលំបាកដល់ជីវភាពរបស់ព្រះសង្ឃដែលគង់ចាំព្រះវស្សាក្នុងរយៈ៣ខែតាមពុទ្ធបញ្ញត្តិ និងចូលរួមចំណែកកាត់បន្ថយភាពអត្តខាត់របស់សាមណៈសិស្ស របស់វត្តជុំគ្រៀល ។
ទទេយ្យវត្ថុ និងសម្ភារៈដែលបានប្រគេនសម្រាប់ព្រះសង្ឃ មាន សៀវភៅសិក្សាភាសាថៃដោយខ្លួនឯង ២០០ក្បាល សៀវភៅ៣ប្រធានសិក្សាភាសាអង់គ្លេសដោយខ្លួនឯង ២០០ក្បាល ត្រៃល្អ ២៥ ត្រៃ ១៦៨ យ៉ាអ៊ួរ ២កេះ កូកាកូឡា ១កេះ ទឹកដោះគោបឺត ២២ កេះ ទឹកដោះគោខាប់ ៧ កេះ IZE ៨កេះ វ៉ើក ៥ កេះ អង្ករ ២តោន ត្រីខ ៥កេះធំ មីម៉ាម៉ា ២០កេះ ទឹកត្រី ២០យួរ ទឹកស៊ីអ៉ីវ ២០យួរ ទឹកសុទ្ធ ២០កេះ តែ ២០កញ្ជប់ ស្ករស ២០ គីឡូ ប្រគេនបច្ច័យ ភិក្ខុសង្ឃ ២៥អង្គ ក្នុងមួយអង្គ ១០ម៉ឺនរៀល ភិក្ខុសាមណសិស្ស ១៦៨ អង្គ ក្នុងមួយអង្គ ៥ម៉ឺនរៀល និងយាយជីក្នុងវត្តជុំគ្រៀល ២០នាក់ ម្នាក់ៗ ៥ម៉ឺនរៀល សរុបថវិកាអស់ជាង១០លានរៀល ។ ផ្តល់សិទ្ធិដោយ៖ កោះសន្តិភាព
