Sign In 
កូនប្រុសស្រីទាំងឡាយគប្បីបំពេញនូវកិច្ច៤យ៉ាងដល់មាតាបិតាឱ្យបានបរិបូណ៌ នឹងបានជាទីរាប់អាននៃពពួកទេវតាតែងជូនពរជ័យ អភិរក្សបីបាច់ថែរក្សាឱ្យចម្រុងចម្រើន ។
កិច្ចទាំង៤យ៉ាងនោះគឺ ១-បើឪពុកម្តាយជាអ្នកគ្មានសទ្ធា ជឿលើកម្មផលទេ កូនប្រុសស្រី គប្បីដឹកនាំគាត់ទាំងពីរឲ្យមានសទ្ធាជ្រះថ្លាឡើង ២-បើមាតាបិតាមិនទាន់មានសីល គប្បីពន្យល់ណែនាំលោកទាំងទ្វេឲ្យរក្សាសីល ៣-បើម៉ែឪជាមនុស្សកំណាញ់ស្វិត គប្បីអប់រំគាត់ឱ្យចេះធ្វើទាន និង៤-បើមាតាបិតា ជាអ្នកមិនចូលចិត្តស្ដាប់ធម៌ទេសនា គប្បីពន្យល់ណែនាំគាត់ឲ្យចេះស្ដាប់ធម៌ ។
កូនប្រុសស្រីទាំងឡាយណាបានប្រតិបត្តិនូវកិច្ចទាំង៤យ៉ាងដូចបានរៀបរាប់មកនេះ នឹងបាននាមថាជាអ្នកបានបំពេញនូវតួនាទីជាកូនល្អពិតប្រាកដ ។ដោយ៖ កោះសន្តិភាព
