Sign In 
ការធ្វើទានមិនមែនចេះតែធ្វើឱ្យតែបានឈ្មោះថាធ្វើនឹងគេដែរនោះទេ បើឱ្យទានមិនត្រឹមត្រូវតាមពុទ្ធានុញ្ញាត ផលនៃទាននោះនឹងបានត្រឡប់មកវិញមិនច្រើនឡើយ ព្រោះហេតុនោះសូមពុទ្ធបរិស័ទគប្បីចូលអានអត្ថបទមួយនេះ នឹងបានជាប្រយោជន៍ច្រើនដល់ការធ្វើទាន ស័ក្តិសមទៅនឹងការចំណាយទ្រព្យធនរបស់លោកអ្នកដែលបានលះបង់ទៅ ។
របៀបធ្វើទានត្រឹមត្រូវតាមក្បួនច្បាប់ព្រះពុទ្ធសាសនា៥ប្រការគឺៈ
១-ឲ្យទានដោយសទ្ធា គឺឲ្យដោយជឿជាក់ថា ផលរបស់ទាននេះពិតជាមានផលដោយពិតប្រាកដ ។
២-ឲ្យទានដោយគោរព គឺឲ្យដោយយកចិត្តទុកដាក់ ដោយគោរពក្នុងទាន និងបុគ្គលដែលជាអ្នកទទួល ។
៣-ឲ្យទានតាមកាល គឺឲ្យទានតាមកាលដែលគួរឲ្យ ឈ្មោះថា កាលទាន ។
៤-ឲ្យទានដោយចិត្តអនុគ្រោះ គឺឲ្យដោយមិនមានចិត្តសោក ដោយមិនចង់ឲ្យគេតបស្នងអ្វីមកវិញឡើយ។
៥-ឲ្យទានដោយមិនបៀតបៀនខ្លួនឯង និងអ្នកដទៃ ។
បុគ្គលអ្នកឲ្យទានប្រកបដោយបញ្ញាបែបនេះ ទោះកើតក្នុងទីណាៗ នឹងជាបុគ្គលស្ដុកស្ដម្ភ មានទ្រព្យច្រើន មានភោគៈច្រើន ហើយ ភោគៈដ៏ពោរពេញទាំងនោះរមែងកើតមានតាមកាលដ៏គួរដល់បុគ្គលនោះវិញជាក់ជាមិនខាន ។
