នៅថ្ងៃអាទិត្យនេះប្រទេសថៃ​​មានករណីថ្មីនៃអ្នកឆ្លងមេរោគកូវីដ ១៩ ចំនួន ៦ នាក់​ និងមិនមានអ្នកស្លាប់ថ្មីទេ នាំឱ្យអ្នកជំងឺក្នុងប្រទេសកើនឡើងដល់ ៣ ៥០៦ នាក់ហើយអ្នកស្លាប់នៅរក្សាចំនួន ៥៩ នាក់ដដែល។ ​

អ្នកជំងឺថ្មីទាំងអស់គឺជាជនជាតិថៃដែលទើបតែវិលត្រឡប់មកពីប្រទេសមជ្ឈិមបូព៌ានិងអាហ្វ្រិកខាងជើង។ ​អ្នកជំងឺថ្មី ២ នាក់ដំបូង គឺជាក្មេងប្រុសអាយុ ៨ ឆ្នាំ និងបុរសអាយុ ៣៥ ឆ្នាំ​ ដែលបានត្រឡប់មកពីប្រទេសអារ៉ាប៊ីសាអូឌីតកាលពីថ្ងៃទី ៥ ខែកញ្ញា ​និងបានធ្វើតេស្ត​វិជ្ជមានកូវីដ១៩កាលពីថ្ងៃព្រហស្បតិ៍​។

អ្នកជំងឺថ្មីទី ៣ គឺជាកម្មករអាយុ ៣៨ ឆ្នាំដែលបានវិលត្រឡប់មកពីប្រទេសគុយវ៉ែត តាមរយៈប្រទេសកាតាកាលពីថ្ងៃទី ១៣ ខែកញ្ញា និងបានធ្វើតេស្តវិជ្ជមានកូវីដ១៩​នៅថ្ងៃសុក្រ។ ​អ្នកជំងឺថ្មី ៣ នាក់ផ្សេងទៀត គឺជានិស្សិតស្រីអាយុ ២២ ឆ្នាំ និងពីរនាក់ទៀតអាយុ ២១ ឆ្នាំដែលបាន​ត្រឡប់មកពីប្រទេស​ Morocco កាលពីថ្ងៃសុក្រ បានធ្វើតេស្តវិជ្ជមាននៅ​ថ្ងៃដដែល៕ 

កែសម្រួលដោយ៖ ភារ៉ា

ប្រភព៖ bangkok post

from： https://tnaot.com/km/m/detail/article/9709250