កូរ៉េ៖ តារាចម្រៀងប្រុសរូបសង្ហា Chanyeol សមាជិកក្រុម EXO និងតារាចម្រៀងស្រីស្អាត Irene មេក្រុម Red Velvet អ្នក​ទាំ​ង​ពីរ​បានក្លាយជាឯកអគ្គរដ្ឋទូតថ្មី សម្រាប់យីហោដ៏ប្រណីត «Prada»។

ជាក់ស្តែង តាមការផ្សព្វផ្សាយនៅលើទស្សនាវដ្តី «Vogue Korea» បានបញ្ចេញរូបភាពច្រើនរបស់តារាប្រុសស្រីល្បីល្បាញ K​-​P​o​p​ទាំ​ង​ពីរ ​ដែលមានថត​បង្ហា​ញ​ម៉ូតជាមួយនឹងម៉ាកកាបូបទាន់សម័យថ្មីយ៉ាងស្រស់ស្អាតស្រស់សង្ហា។

យ៉ាងណាមិញ អ្នកគាំទ្រក៏អាចប៉ាន់ស្មានដឹងរួចមកហើយថា Irene បានយល់ព្រមក្លាយជាតារាតំណាងសម្រាប់យីហោប្រេននេះ បន្ទាប់ពីនាងបានចូលរួមជាកិតិ្តយសក្នុងកម្មវិធី «Prada Drea​m​​​scape» ​​កាលពីខែធ្នូ ឆ្នាំមុន។ ចំណែកឯ Chanyeol វិញលោក បានបង្ហាញវត្តមានចូលរួមជាកិត្តិយសដូច​គ្នាក្នុងព្រឹត្តិ​ការ​ណ៍ ​«P​ra​​d​a’s ​Spring-Summer 2019» នៅឯប្រទេសសិង្ហបុរី កាលពីខែមេសាឆ្នាំមុននេះ៕​ អត្ថបទដោយ៖ ត្នោត

from： https://tnaot.com/km/m/detail/article/9706688