ក្លិបបាល់ទាត់ Liverpool បានចុះហត្ថលេខាទិញយកកីឡាករ Thiago Alcantara ពីក្លិប Bayern Munich ដោយជោគជ័យហើយ។

ក្រោយបញ្ចប់ការចរចាគ្នាជាច្រើនសប្តាហ៍មក ក្លិប Bayern បានព្រមព្រៀងលក្ខខណ្ឌគ្នាជាមួយនឹងក្លិប Liverpool សម្រេចអនុញ្ញាតឱ្យកីឡាករ Thiago ចាកចេញក្នុងតម្លៃខ្លួន ២៥ លានផោន ដោយចុះកុងត្រារយៈពេល ៤ ឆ្នាំ។

កីឡាករខាងលើមានជំនាញលេងជាខ្សែបម្រើកណ្តាល រូបគេអាចទាត់បាល់បញ្ចូលទីបាន ៣១ គ្រាប់ ក្នុងអំឡុងពេលលេងឱ្យក្លិប Bayern ចាប់តាំងពីឆ្នាំ២០១៣ រហូតដល់ឆ្នាំ២០២០។

គួរឱ្យដឹងដែរថា ខ្សែបម្រើ វ័យ ២៩ ឆ្នាំ សញ្ជាតិអេស្ប៉ាញ រូបនេះ ធ្លាប់លេងនៅក្លិប Barcelona មុននឹងផ្លាស់មកចូលរួមជាមួយ Bayern៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9705194