Sign In 
អាជ្ញាធរតម្រូវឱ្យម្ចាស់សំណង់ រៀបចំប្រព័ន្ធសុវត្ថិភាព ខណៈមានការធ្លាក់ស៊ីម៉ង់ត៍មួយដុំ បុកចំកញ្ចក់រថយន្ត
រដ្ឋបាលរាជធានីភ្នំពេញ បានសម្រេចឱ្យម្ចាស់សំណង់ រៀបចំប្រព័ន្ធការពារសុវត្ថិភាព ដើម្បីជៀសវាងករណីបង្កគ្រោះថ្នាក់ដោយអច្ចេតនា ខណៈពេលមានដុំស៊ីម៉ង់ត៍មួយដុំ បានធ្លាក់ពីលើអាគារសំណង់ចាស់ បុកត្រូវចំកញ្ចក់រថយន្ត ដែលចតនៅខាងក្រោម។
ការិយាល័យជំនាញផ្នែកសំណង់បានចុះពិនិត្យ និងណែនាំដល់ម្ចាស់សំណង់ទល់មុខអគារ BS ខណ្ឌ៧មករា ពាក់ព័ន្ធនឹងករណីធ្វេសប្រហែស ធ្វើឱ្យធ្លាក់បំណែកផ្ទាំងស៊ីម៉ង់ត៍មួយដុំធំ ត្រូវរថយន្តមួយគ្រឿងនោះ ។
ហេតុការណ៍ធ្លាក់ដុំស៊ីម៉ង់ត៍មួយដុំនេះ ត្រូវបានកើតឡើង កាលពីរសៀល ថ្ងៃទី២៤ ខែកក្កដា ឆ្នាំ២០២០នេះ ករណីនេះមិនបណ្តាលឱ្យអ្នកណាម្នាក់រងរបួសនោះទេ ប៉ុន្តែគ្រាន់តែបង្កឱ្យមានភាពភ្ញាក់ផ្អើល នៅតំបន់កើតហេតុ ដែលស្ថិតនៅទល់មុខអគារ BS ខណ្ឌ៧មករា ធ្វើឱ្យត្រូវរថយន្តមួយគ្រឿង ដែលចត់នៅខាងក្រោមនេះ ខូចខាតយ៉ាងដំណំ។
ក្រោយពីទទួលបានដំណឹង ករណីធ្លាក់ថ្មចេញពីការដ្ឋានជួសជុលផ្ទះសំណង់អាគារចាស់ភ្លាម អាជ្ញាធររាជធានី បានចុះដោះស្រាយ ដោយណែនាំឱ្យម្ចាស់សំណង់រៀបចំប្រព័ន្ធសុវត្ថិភាពបន្ថែមទៀត ធ្វើយ៉ាងណាកុំឱ្យមានហេតុការណ៍បែបនេះកើតឡើងទៀត៕ ដោយ៖ត្នោត
