​សត្វក្រពើមួយក្បាលបាន​ត្របាក់ខាំដៃបុរសម្នាក់​រស់នៅខេត្ត Rayong ប្រទេសថៃ ​ បណ្តាលឱ្យអ្នកស្រុក​ដេញតាមប្រមាញ់សម្លាប់សត្វក្រពើនោះរហូតដល់ស្លាប់ ហើយចុងក្រោយពួកគេបាន​បរិភោគសត្វក្រពើនោះ​។ ​

អ្នកភូមិបាននិយាយថា ពួកគេបានសម្លាប់និងចម្អិនសត្វ​ក្រពើប្រវែង ២ ម៉ែត្រដើម្បីសងសឹកវាឱ្យជនរងគ្រោះ។ តាមប្រភពបានឱ្យដឹងថា ជនរងគ្រោះឈ្មោះ Yongyut Harat ​ អាយុ ៥២ ឆ្នាំកំពុងនេសាទត្រីនៅក្នុងប្រឡាយមួយ ហើយក្រោយមកស្រាប់តែមានក្រពើមួយក្បាលហក់មកខាំដៃខាងស្តាំជនរងគ្រោះភ្លាមៗ។ ​មិត្តភក្តិរបស់​ជនរងគ្រោះដែលនៅក្បែរនោះបានជួយសង្គ្រោះជនរងគ្រោះពីសត្វក្រពើដ៏កំណាចហើយបាននាំជនរងគ្រោះទៅមន្ទីរពេទ្យក្នុងតំបន់។

​ក្នុងហេតុការណ៍នេះ អ្នកភូមិបាននាំគ្នាសង្ស័យថា សត្វក្រពើបាន​រួចចេញពីកសិដ្ឋានចិញ្ចឹមក្រពើ​ ដែល​បណ្តាលឱ្យ​អ្នកភូមិឆ្ងល់ថា តើមានក្រពើប៉ុន្មានក្បាលទៀតដែលបានរួចចេញពីកសិដ្ឋាន ហើយតើសត្វក្រពើទាំងនោះនឹងផ្លាស់ទីទៅកាន់​តំបន់ណាខ្លះ?៕

កែសម្រួលដោយ៖ ភារ៉ា

ប្រភព៖ the thaiger

from： https://tnaot.com/km/m/detail/article/9703805