(រូបតំណាង)

រឿងម្ចាស់ចញ្ចឹមសត្វបាត់ឆ្កែឆ្មាគឺយើងធ្លាប់លឺ តែដល់បាត់មនុស្សយន្ដបោសសម្អាតផ្ទះនេះពិតជាមិនធ្លាប់លឺមែន ។

ម្ចាស់កម្មវត្ថុម្នាក់បានផុសដំណឹងមួយលើ Facebook Page មួយឈ្មោះ Ba Sheng Ren （巴生人）ដោយជូនដំណឹងដល់មហាជនដើម្បីស្វែងរកមនុស្សយន្ដបោសសម្អាតផ្ទះរបស់ខ្លួនដែលបានដើរវង្វេងផ្ទះបាត់ដំណឹងសូន្យ ។

ម្ចាស់កម្មវត្ថុនោះបានប្រាប់ឲ្យដឹងទៀតថា មនុស្សយន្ដនេះមានមុខងារដើរត្រឡប់មកទីតាំងរបស់ខ្លួនវិញដោយខ្លួនឯង គ្រាន់តែបើវាដើរចេញហួសពីបរិវេនកំណត់ វានឹងមកវិញមិនបានទេ ។

អំពីមូលហេតុដែលបណ្ដាលអោយមនុស្សយន្ដនេះបាត់ពីផ្ទះ គាត់បាននិយាយថា ផ្ទះគាត់គឺបើកទ្វាររហូត ហើយម្ចាស់កម្មវត្ថុបានជជែកគ្នាលេងជាមួយមនុស្សផ្សេងៗនៅខាងក្រៅផ្ទះ ហើយក៏គ្មានអ្នកណាចាប់អារម្មណ៍ថាមនុស្សយន្ដនេះដើរចេញពីផ្ទះតាំងពីពេលណាមកដែល ។

ព្រមគ្នានោះ ម្ចាស់កម្មវត្ថុនេះបានប្រាប់ថាខ្លួនបានដើររកគ្រប់ទីកន្លែងក្នុងផ្ទះហើយ ក៏នៅតែមិនឃើញស្រមោលមនុស្សយន្ដបោសសម្អាតផ្ទះមួយនេះសោះ ។

អ្នកលេងបណ្ដាញសង្គមម្នាក់បានសរសេរលើផុសនោះថា ប្រហែលជាម្ចាស់វាមិនដែលអោយវាសម្រាកសោះ ធ្វើការរហូត ចឹងបានជាវារត់ចេញពីផ្ទះ ។ ប៉ុន្ដែម្ចាស់មនុស្សយន្ដនោះបានឆ្លើយវិញថា ខ្លួនទិញវាទើបបានកន្លះឆ្នាំ ប្រើមិនទាន់បានអីផងបាត់ៗ ។

from： https://tnaot.com/km/m/detail/article/9702803