Sign In 
ភ្នំពេញ ៖ នារីម្នាក់បេីករថយន្តម៉ាកតូយ៉ូតាព្រូស ទាំងមេឃកំពុងភ្លៀងខ្លាំង ក៏ជ្រុលទៅបុករបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យបាក់អស់១កង់ ឯរថយន្តរងការខូចខាតយ៉ាងដំណំផងដែរ ។ 
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១២ និង០៥នាទីរំលងអាធ្រាត្រ ឈានចូលថ្ងៃទី២៤ ខែកក្កដា ឆ្នាំ២០២០ នៅចំណុចអាគារភ្លោះ (មជ្ឈមណ្ឌល ព្រីងផ្លាស្សា ) តាមបណ្ដោយផ្លូវព្រះនរោត្ដម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ 
បេីតាមសម្ដីនារីម្នាក់វ័យប្រហែល២០ឆ្នាំ ជាតៃកុងរថយន្តបង្កម៉ាក តូយ៉ូតា ព្រូស ពណ៌កណ្ដុរប្រមេះ ពាក់ស្លាកលេខភ្នំពេញ 2AI -7811 បានប្រាប់ឲ្យដឹងថា រូបគាត់បានធ្វេីដំណេីរចុះពីលេីស្ពានក្បាលថ្នល់ មកផ្លូវព្រះនរោត្ដម ទិសដៅពីត្បូងមកជេីង ហេីយរូបគាត់មានបញ្ហាភ្នែកម្ញូប រួមទាំងមេឃកំពុងភ្លៀងខ្លាំងផង ក៏មេីលផ្លូវមិនសូវឃេីញជ្រុលចង្កូតទៅបុករបាំងថ្មពុះចែកទ្រូងផ្លូវបណ្ដាលឲ្យបាក់អស់១កង់ ឯរថយន្តរងការខូចខាត និងធ្វេីឲ្យរូបគាត់របួសដៃតិចតួចបែបនេះ ។ 
ក្រោយមក នារីខាងលេីបានទុករថយន្តនៅកន្លែងកេីតហេតុហេីយចេញទៅបាត់ ។ បន្ទាប់មកទេីបមានសមត្ថកិច្ចមូលដ្ឋានទាក់ទងទៅជំនាញចរាចរណ៍ចុះមកធ្វេីការវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជរាជធានីភ្នំពេញ រង់ចាំដោះស្រាយតាមច្បាប់ពេលក្រោយ ៕ ដោយ ផេង ភាព
