កីឡាករសញ្ជាតិវែល Gareth Bale ដែលបានផ្ទេរមកពីក្លឹប Tottenham Hotspur ទៅកាន់ក្លឹប Real Madrid ក្នុងតម្លៃខ្លួនបំបែកកំណត់ត្រាក្នុងឆ្នាំ២០១៣នោះ អាចនឹងវិលត្រឡប់ទៅក្លឹបចាស់របស់ខ្លួនវិញហើយនារដូវក្តៅនេះ នេះបើយោងតាមភ្នាក់ងារផ្ទាល់ខ្លួនរបស់កីឡាករ។

លោក Jose Mourinho គ្រូបង្វឹកបច្ចុប្បន្នរបស់ក្លឹប Tottenhamបានលើកឡើងថា លោកពិតជាចង់បាន Gareth Bale ខ្លាំងណាស់ពេលដែលលោកដឹកនាំក្លឹប Real Madrid កាលពីឆ្នាំ២០១០ ដល់ ២០១៣។ ទោះជាយ៉ាងណា លោកត្រូវបានបញ្ចប់ការងារជាគ្រូបង្វឹកមុនពេលកំណត់តែក្លឹប Real Madrid នៅតែទិញកីឡាករដែលលោកបានប្រាប់អោយទិញ។

គួរបញ្ជាក់ផងដែរថា Gareth Baleអាចនឹងចាកចេញពីទឹកដី Bernabeu នារដូវក្តៅនេះក្រោយស៊ុតបញ្ចូលទីលើស ១០០ អោយក្លឹប និងបានឈ្នះ Champion League ចំនួន៤ដង តែមានបញ្ហាជម្លោះជាមួយគ្រូបង្វឹកZidane។

ប្រភព៖ Goal

from： https://tnaot.com/km/m/detail/article/9698125