Sign In 
ភ្នំពេញ៖ ជនសង្ស័យ០២នាក់ត្រូវកម្លាំងប៉ុស្តិ៍នគរបាលគោកឃ្លាង ឃាត់ខ្លួនករណី ប៉ុនប៉ងលួចទ្រព្យសម្បត្តិតែមិនបានសម្រេច។ ការឃាត់ខ្លួនជនសង្ស័យទាំងពីនាក់នេះកាលពីវេលាម៉ោង២២ និង៣០នាទីថ្ងៃទី២២ ខែកក្តដា ឆ្នាំ២០២០ នៅចំណុចបន្ទប់ជួល ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ ។ 
នគរបាលប៉ុស្តិ៍គោកឃ្លាងបានឲ្យដឹងថាជនសង្ស័យទាំង០២នាក់ ទី១-ឈ្មោះ សុក ចំរើន ភេទប្រុស អាយុ២៣ឆ្នាំ ជនជាតិខ្មែរ មុខរបរគ្មាន ស្នាក់នៅន្ទប់ជួល ភូមិទួលសង្កែ សង្កាត់ទួលសង្កែ ខណ្ឌឬស្សីកែវ (មានសារធាតុញៀន)។ និងទី ២-ឈ្មោះ អ៊ី ពេជ្រ ភេទប្រុស អាយុ២៥ឆ្នាំ ជនជាតិខ្មែរ មុខរបរគ្មាន ស្នាក់នៅន្ទប់ជួល សង្កាត់ទឹកល្អក់៣ ខណ្ឌទួលគោក (មានសារធាតុញៀន)។
ចំណែកជនរងគ្រោះឈ្មោះ ឈី ឆេង ភេទប្រុស អាយុ២៧ឆ្នាំ ជនជាតិខ្មែរ មុខរបរធ្វើស្លាកយីហោ ស្នាក់នៅបន្ទប់ជួល ផ្លូវបេតុង ភូមិដីថ្មី សង្កាត់គោកឃ្លាង ខណ្ឌសែនសុខ ។ បច្ចុប្បន្ន៖ ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ដោយ ផេង ភាព
