ក្លឹប Watford ត្រូវបានធ្លាក់ចូលក្នុងតំបន់ដែលត្រូវគេកាត់ចោល ក្រោយទទួលរងបរាជ័យក្រោមថ្វីជើងក្លឹបលេខ២Manchester City។ ក្លឹបដែលទើបបណ្តេញគ្រូបង្វឹករបស់ខ្លួនចេញ យ៉ាងភ្ញាក់ផ្អើលកាលពីដើមសប្តាហ៏នេះ មិនមានលទ្ធភាពក្នុងការវាយបកវិញបន្តិចឡើយ។

២ គ្រាប់របស់Man City រកបានដោយកីឡាករអង់គ្លេស Raheem Sterling នៅនាទីទី ៣១ និង ៤០។ ចូលដល់តង់ទី២ Manchester City ដាក់ថែម២គ្រាប់ទៀតក្រោមការស៊ុតរបស់ Phil Foden និង Aymeric Laporte។ ជាលទ្ធផល មេឃខៀវបានយកឈ្នះលើ Watford 4ទល់នឹង0។

លទ្ធផលនេះធ្វើអោយ Watford ធ្លាក់ចូលក្នុងតំបន់ដែលត្រូវគេកាត់ចោលក្នុងចំណាត់ថ្នាក់លេខ ១៨ មាន ៣៤ពិន្ទុ ឯ Aston Villa បានឡើងមកផុតតំបន់គ្រោះថ្នាក់ក្រោយយកឈ្នះArsenal យ៉ាងភ្ញាក់ផ្អើល ១ទល់នឹង០។ គួរបញ្ជាក់ផងដែរថា ការប្រកួត Premier League នៅសល់១ប្រកួតទៀតដើម្បីកាត់សេចក្តីថា អ្នកណានៅបន្ត និងអ្នកណាធ្លាក់ទៅលេងChampionship។

ប្រភព៖ Livescore 

from： https://tnaot.com/km/m/detail/article/9513280