ភ្នំពេញៈបុរសម្នាក់បានរងរបួសធ្ងន់ខណៈ ជិះម៉ូតូមួយគ្រឿងជ្រុលទៅបុករថយន្តជនជាតិចិនកំពុងបត់ ឆ្លងផ្លូវចូលក្នុងប្រលានយន្តហោះអន្តរជាតិភ្នំពេញ។ហេតុការណ៍នេះកើតឡើងកាលពីវេលា ម៉ោង ១០ និង ២០ នាទី យប់ថ្ងៃទី២១ ខែកក្ដដា ឆ្នាំ២០២០ ស្ថិតនៅតាមបណ្ដោយផ្លូវសហព័ន្ធរុស្ស៊ីទល់មុខនឹង ព្រលានយន្តហោះអន្តរជាតិភ្នំពេញ ក្នុងសង្កាត់កាកាបទី ២ ខណ្ឌពោធិ៍សែនជ័យរាជធានីភ្នំពេញ។

តាមការបញ្ជាក់ពីបងប្អូនប្រជាពលរដ្ឋនៅទីតាំងកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តមួយគ្រឿង ម៉ាកហ៊ុនត្រាពណ៌សពាក់ស្លាកលេខភ្នំពេញ2BH-5296បើកបរដោយបុរសជនជាតិចិនលក្ខណៈគ្រួសារធ្វើដំណើរ ក្នុងទិសដៅពីកើតទៅលិចលុះដល់ចំណុចកើតហេតុក៏បត់ចូលក្នុងព្រលានយន្តហោះអន្តរជាតិភ្នំពេញលុះបទមិនទាន់ផុតផងស្រាបតែមានម៉ូតូមួយ

គ្រឿងម៉ាកសង់សេ១២៥ពណ៌ខ្មៅពាក់ស្លាកលេខភ្នំពេញ2AX-9223បើកបរដោយបុរសម្នាក់មិនទាន់ស្គាល់អត្តសញ្ញាណធ្វើដំណើរក្នុងទិសដៅពី លិចមកកើតក្នុងល្បឿនលឿនហើយជ្រុលទៅ បុករថយន្តចំពីចំហៀងពេញទំហឹង បណ្ដាលឲ្យរងរបួសធ្ងន់ត្រូវបានប្រជាពលរដ្ឋទំនាក់ទំនងទៅរថយន្តសាមុយដឹកយកទៅមន្ទីរពេទ្យភ្លាមៗ។

ក្រោយកើតហេតុសមត្ថកិច្ចមូលដ្ឋានចុះទៅដល់កន្លែងកើ តហេតុទំនាក់ទំនងទៅខាងជំនាញចរាចរណ៍ផ្លូវគោកនៃស្នងការនគរបាលរាជធានីភ្នំពេញ ដើម្បីវាស់វែងយករថយន្តនិងម៉ូតូទៅរក្សាទុករង់ចាំដោះស្រាយគ្នានៅពេលក្រោយ។ផេង ភាព

from： https://tnaot.com/km/m/detail/article/9512545