កីឡាករ Eric Dier បានចុះកុងត្រាថ្មីជាមួយក្លិប Tottenham Hotspur រហូតដល់ឆ្នាំ២០២៤ ។ លោក Jose Mourinho គ្រូបង្វឹកក្រុម Spurs សង្ឃឹមថានឹងបន្តកិច្ចព្រមព្រៀងរបស់កីឡាករនៅដើមខែនេះហើយឥឡូវនេះក្លិបបានបញ្ជាក់ថាការចរចាត្រូវបានបញ្ចប់ ។

កីឡាករ Dier វ័យ ២៦ឆ្នាំរូបនេះបានបង្ហាញខ្លួនយ៉ាងលេចធ្លោសម្រាប់ក្រុម Tottenham Hotspur ចាប់តាំងពី Premier League បានបន្តកាលពីខែមុន ប៉ុន្តែគាត់ត្រូវបានព្យួរ ៤ប្រកួតសម្រាប់ការប្រឈមមុខជាមួយអ្នកគាំទ្របន្ទាប់ពីការប្រកួតកាលពីខែមីនា ។

លោកបាននិយាយទៅកាន់ក្លិបថា៖ ខ្ញុំពិតជារីករាយក្នុងការបន្តនៅទីនេះ។ ខ្ញុំបាននៅទីនេះអស់រយៈពេល ៦ឆ្នាំហើយនិងរីករាយខ្លាំងណាស់ ដោយសារតែវាជាកន្លែងដ៏អស្ចារ្យមួយសម្រាប់ខ្ញុំ។ កីឡាកររូបនេះបាននិយាយទៀតថា៖ ក្លិបបានផ្តល់ឱកាសដល់ខ្ញុំនៅក្នុងប្រទេសអង់គ្លេសហើយបានផ្តល់ឱ្យខ្ញុំយ៉ាងច្រើនចាប់តាំងពីពេលនោះមក ៕

ប្រែសម្រួលដោយ៖ វិបុត្រ

ប្រភព៖ skysports

from： https://tnaot.com/km/m/detail/article/9511718