បន្ទាប់ពីបានចូលរួមទស្សនាកម្មវិធី Time Flies របស់ក្រុមហ៊ុន Apple ដែលបានផ្សាយបន្តផ្ទាល់លើគណនី Youtube របស់ខ្លួនរយៈពេលជាងមួយម៉ោងរួចមក បណ្ដាលអ្នកគាំទ្របានចាប់អារណ៍ទៅលើពាក្យអះអាងរបស់លោក Jeff Willaims ជាអ្នកទទួលបន្ទុកខាងផ្នែកប្រតិបត្តិការបានលើកឡើងពីនាឡិកាឆ្លាតវៃ Apple Watch SE ដែលមានតម្លៃ ២៧៩ ដុល្លារ(40mm GPS)&៣០៩ ដុល្លារ(44mm GPS)ថា

“Apple Watch SE មានមុខងារ និងលក្ខណៈពិសេសជាច្រើនដែលអតិថជនពេញចិត្ត វាមានផ្ទុកនូវអ្វីគ្រប់យ៉ាងដែលត្រូវការតភ្ជាប់ជាមួយ មានសកម្មភាពជាងមុន និងតាមដានសុខភាពអ្នកជាប់ជានិច្ច។ ដូចគ្នានឹង Series 6 ដែរ Apple Watch SE តំឡើងមុខងារបង្ហាញឲ្យកាន់តែមានអតិភាពដោយអនុញ្ញាតឲ្យអ្នកអាចមើលឃើញទិន្នន័យជាច្រើនដោយមួយក្រឡេកភ្នែកដូចជាព័ត៌មានចាំបាច់ និងកម្មវិធីផ្សេងៗលើអេក្រង់នាឡិកា ព្រមទាំង Messages ប្រតិទិន និងផែនទីផងដែរ។

ជាពិសេសសម្រាប់ដំណើរការល្បឿននៃព័ត៌មាន និងកម្មវិធីនីមួយៗ Apple Watch SE ប្រើបន្ទះឈីប S5 នាំឲ្យវាមានដំណើរការលឿនជាង Series 3 ពីរដង។ ចំពោះការទាក់ទងគ្នាវិញវាពិតជាផ្ដល់ភាពងាយស្រួលដល់អ្នកក្នុងការខលចេញ ផ្ញើសារ និងអ្វីជាច្រើនទៀតទោះបីជាគ្មានទូរសព្ទនឹងដៃក៏ដោយ សំខាន់វាមានមុខងារគ្រួសារ៏(Family setup)ផ្ដល់ភាពងាយស្រួលដល់ក្មេងៗក្នុងការនៅជាប់ជានិច្ចជាមួយគ្រួសារ។

ជាមួយនឹងលក្ខណៈពិសេសរបស់វាបូករួមទាំងសមត្ថភាពថ្មី WatchOS 7 ពួកយើងគិតថា Apple Watch SE គឺជានាឡិកាឆ្លាតវៃថ្មីដ៏ល្អបំផុតសម្រាប់អតិថិជន”។ ចុះអ្នកវិញបន្ទាប់ពីមើលព្រឹត្តិការណ៍ Time Flies គិតដូចលោក Jeff អះអាងដែរទេ? អត្ថបទដោយ៖ រីតា

from： https://tnaot.com/km/m/detail/article/9694889