Sign In 
មណ្ឌលគិរី៖ ដំរីឈ្មោលមួយក្បាលឈ្មោះ ខាំឃឺន បានងាប់នៅចំណុចអូរប៉ាយថិតនៅភូមិពូរ៉ាពេត ឃុំក្រង់តេះ ស្រុកពេជ្រាដា ខេត្តមណ្ឌលគិរី នៅព្រឹកថ្ងៃទី២០ ខែកក្កដា ឆ្នាំ២០២០។ នេះបើតាមរបាយការណ៍របស់នរគបាលស្រុកពេជ្រាដា រាយការណ៍ជូន លោកឧត្ដមសេនីយ៍ទោស្នងការ នឹងលោកអភិបាល នៃគណៈអភិបាលស្រុកពេជ្រាដា។
ប្រភពព័ត៌មានពីប្រជាពលរដ្ឋនៅក្បែរនោះបានឲ្យដឹងថា ដំរី១ក្បាលនោះជាដំរីចិញ្ចឹម មានអាយុប្រហែល៥០ឆ្នាំ។ ក្រោយពេលដំរីនោះងាប់ ម្ចាស់បានបោះជំរុំរង់ចាំធ្វើបុណ្យតាមប្រពៃណីជនជនជាតិដើមភាកតិចព្នង។
យ៉ាងណា បើតាមសេចក្តីរាយការណ៍របស់អធិការស្រុកពេជ្រាដា បញ្ជាក់ថា ការងាប់របស់ដំរីពុំដឹងមូលហេតុអ្វីទេ ម្ចាស់ដំរីមានឈ្មោះ ជ្រេម ជ្រុន ភេទប្រុសអាយុ៥៥ឆ្នាំ ជនជាតិព្នងរស់នៅភូមិកើតហេតុខាងលើ៕ ប៊ុនធឿន
