គ្រូបង្វឹករបស់ក្រុមមេឃខៀវ Manchester City លោក Pep Guardiola អាចនឹងធើ្វឲ្យពិភពបាល់ទាត់មានការភ្ញាក់ផ្អើល ក្រោយពីសារព័ត៌មានមួយចំនួនបានចុះផ្សាយថា រូបលោកចង់បាន Alexis Sanchez ពីក្រុមបិសាចក្រហម Manchester United។

គួរឲ្យដឹងដែរថា​ Man City ធ្លាប់ចង់បាន Sanchez ម្ដងហើយកាលពីឆ្នាំ២០១៨ ប៉ុន្ដែរូបគេសម្រេចជ្រើសរើស Man Utd វិញ ក្រោយចាកចេញពី Arsenal។

យ៉ាងណាក្ដី បើយោងតាមកាសែតក្នុងស្រុករបស់ប្រទេសឈីលី La Cuarta បានឲ្យដឹងថា Guardiola បានបង្ហាញនូវការចាប់អារម្មណ៍ ក្នុងការនាំកីឡាករវ័យ៣១ឆ្នាំនេះ មកកាន់ទឹកដី Etihad នារដូវកាលក្រោយ។

សូមបញ្ជាក់ថា ការផ្លាស់ទៅកាន់ United របស់ Sanchez មិនបានទទួលផលអ្វីនោះទេ ក្រោយពីអតីតកីឡាកររបស់ Barcelona នេះ បង្ហាញទម្រង់លេងមិនល្អ ខណៈរដូវកាលនេះ រូបគេក៏ត្រូវបានក្លឹបដាក់ឲ្យ Inter Milan ខ្ចីជើងផងដែរ។

តើប្រិយមិត្ដគិតថា Sanchez នឹងអាចប្ដូរទៅកាន់ Man City បានដែរទេ?

ប្រភព៖ Manchester Evening News

from： https://tnaot.com/km/m/detail/article/9510227