យោងតាមសេចក្ដីរាយការណ៍របស់ GizmoChina បានឲ្យដឹងថា ក្រុមហ៊ុនបច្ចេកវិទ្យាចិន Huami ដែលក៏ជាសាខាក្រុមហ៊ុន Xiaomi​ បានឮដំណឹងចាប់ដៃគូជាមួយក្រុមហ៊ុនផលិតរថយន្ត Tesla។ អ្នកសារព័ត៌មានក៏បានបន្ថែមទៀតថាការដាក់បង្ហាញជាផ្លូវការគឺជិតមកដល់នាពេលឆាប់ៗនេះហើយនឹងប្រព្រឹតទៅនៅប្រទេសចិននៅថ្ងៃស្អែក។

ភាពជាដៃគូសហការរវាង Huami-Tesla មានន័យថានាឡិកាវៃឆ្លាតនាពេលខាងមុខនេះនឹងទទួលបានលក្ខណៈផ្ដាច់មុខពី Tesla ដោយអនុញ្ញាតឲ្យអ្នកវាអាចគ្រប់គ្រងនិងភ្ជាប់បញ្ជាផ្នែកខ្លះនៃរថយន្តផ្ទាល់។ ការដាក់បញ្ចូលមុខងារនេះច្បាស់ជាអាចធ្វើឲ្យតម្លៃនាឡិកាវៃឆ្លាតកាន់តែថ្លៃ ហើយវានឹងក្លាយជាផលិតផលល្អបំផុត។

មួយវិញទៀតកាលពីពេលថ្មីៗនេះនាឡិកាឆ្លាតវៃ Huami Amzfit GTR និង Amazfit GTS បានធ្វើការអាប់ដេតដោយអនុញ្ញាតឲ្យពួកវាប្រើប្រាស់ជាសោឡានឲ្យ Xiapeng P7/Xpeng P7 ដែលអាចនិយាយបានថាជាចម្លើយរបស់ចិនទៅកាន់ Tesla Model 3។ នាឡិការឆ្លាតវៃត្រៀមចេញនោះអាចនឹងមានលក្ខណៈស្រដៀងគ្នាទៅនឹងរថយន្ត Tesla។ ប្រែសម្រួលដោយ៖ រីតា

from： https://tnaot.com/km/m/detail/article/9691568