Sign In 
សហរដ្ឋអាមេរិក ៖ បើនិយាយពីឈ្មោះ Rey Mysterio គ្រប់គ្នាជាពិសេសអ្នកស្នេហាវិស័យកីឡាកាស ពិតជាស្គាល់យ៉ាងច្បាស់ពីបុរសមាឌល្អិតម្នាក់ ដែលតែងតែពាក់ស្រោមមុខក្នុងការប្រកួតរបស់គេ។
Rey Mysterio ដែលមានឈ្មោះពិតថា Óscar Gutiérrez បានចាប់ផ្តើមអាជីពជាអ្នកកីឡាកាសនៅឆ្នាំ ១៩៨៩ និងបានសាងភាពល្បីល្បាញរបស់ខ្លួន ជុំវិញពិភពលោកក្នុងវិស័យនេះ ជាមួយស្ថាប័នកំពូល WWE អំឡុងឆ្នាំ ២០០២ រហូតដល់ឆ្នាំ ២០១៥ ជាមួយក្បាច់វាយប្រយុទ្ធដ៏ទាក់ទាញបំផុតខ្លួន ដែលគ្រប់គ្នាស្គាល់ថា «619» (Six One Nine) មុនពេលចាកចេញនៅពាក់កណ្តាលឆ្នាំ ២០១៥។ 
ហើយនិងបានវិលត្រឡប់មកចូលរួមស្ថាប័នកំពូលនេះ ម្តងទៀត ក្នុងឆ្នាំ ២០១៨ រហូតដល់បច្ចុប្បន្ន។ប៉ុន្តែអ្វីដែលធ្វើឲ្យគ្រប់គ្នា កាន់តែមានភាពភ្ញាក់ផ្អើលនោះគឺ សម្រស់ដ៏ស្រស់ស្អាតមិនចាញ់តួកុន និងតារាម៉ូដែលរបស់កូនស្រីរបស់អ្នកកីឡាកាសរូបនេះ គឺនាង Aalyah Gutierrez ដែលបច្ចុប្បន្នមានអាយុ ១៩ឆ្នាំ ដោយបានទាញចំណាប់អារម្មណ៍មនុស្សគ្នា មិនសរសើរមិនបានអំពីសម្រស់ និងរូបរាងដ៏ស្រស់សោភារបស់នាង។ Aalyah គឺជាកូនទី២ បន្ទាប់ពីបងប្រុស Dominik Mysterio (ជាអ្នកកីឡាកាសអាជីព) ដែលមានអាយុ ២៣ឆ្នាំ ដែលជាកូនប្រុសស្រីតែ ២នាក់គត់របស់ប្តីប្រពន្ធ Rey Mysterio និងអ្នកស្រី Angie Gutiérrez ដោយបានចាប់ដៃគ្នាតាំងពីឆ្នាំ ១៩៩៦ មកម្ល៉េះ។
បើទោះបីមិនមែនជាអ្នកកីឡាកាសអាជីពដូចឪពុក និងបងប្រុសរបស់ខ្លួនក៏ពិតមែន ប៉ុន្តែ Aalyah Gutierrez ក៏ធ្លាប់លេចវត្តមានជារឿយៗក្នុងការសម្តែងរបស់ WWE ជាមួយក្រុមគ្រួសាររបស់នាងផងដែរ៕ ផ្តល់សិទ្ធដោយ៖កោះសន្តិភាព
