Sign In 
កម្ពុជាគ្រោងស្នើអង្គការយូណេស្កូដាក់អន្លង់ផ្សោតព្រែកកាំពី ជាតំបន់បេតិកភណ្ឌធម្មជាតិពិភពលោកនៅថ្ងៃអនាគតនៅពេលរដ្ឋាភិបាលបានរៀបចំឯកសារផ្លូវច្បាប់គ្រប់គ្រាន់។
ការស្នើយូណេស្កូដាក់ព្រែកកាំពីជាតំបន់បេតិកភណ្ឌធម្មជាតិពិភពលោកនេះនឹងអាចបង្កើនកម្លាំងការពារធនធានធម្មជាតិបានកាន់តែល្អប្រសើរ។ មានតំបន់ការពារធម្មជាតិបីទៀតគឺ ជម្រកសត្វព្រៃព្រែកប្រសព្វ តំបន់បេតិកភណ្ឌធម្មជាតិភ្នំត្បែង និងសហគមន៍ការពារធម្មជាតិត្មាតប៉ើយ ក៏អាចស្នើសុំយូណេស្កូដាក់ជាសម្បត្តិបេតិកភណ្ឌធម្មជាតិពិភពលោកដែរ។
បើតាមក្រសួងបរិស្ថានកម្ពុជានឹងចំណេញប្រយោជន៍២ធំៗពីការបញ្ចូលតំបន់អភិរក្សផ្សោតជាសម្បត្តិបេតិកភណ្ឌពិភពលោក។ ទី១ យើងអាចប្រមូលកម្លាំងគ្នាដើម្បីការពារនិងអភិរក្សតំបន់សត្វផ្សោតទឹកសាប។ ទី២ អាចទាក់ទាញទេសចរទាំងនៅកម្ពុជា និងជុំវិញពិភពលោក ដែលចង់ឃើញសត្វផ្សោតទឹកសាបដ៏កម្រ៕
