​អ្នករត់កង់បីម្នាក់បានបាញ់ទៅលើអ្នករត់កង់បីម្នាក់ទៀតជាច្រើនគ្រាប់ បណ្តាលឱ្យជនរងគ្រោះមានរបួសធ្ងន់ធ្ងរ  ​ដោយសារ​រឿងដណ្តើមអតិថិជនគ្នា។

ជនល្មើសលោក Chaowalit Phuthaksin អាយុ ៤០ ឆ្នាំត្រូវបានចោទប្រកាន់​ពីបទបាញ់ជនរងគ្រោះដែលជាអ្នករត់កង់បី​ចំនួន ៩ គ្រាប់​ ខណៈពេល​ដែលដណ្តើមអតិថិជនគ្នា។ នៅពេល​ទៅដល់កន្លែងកើតហេតុ ប៉ូលិសបានរកឃើញ​ជនរងគ្រោះឈ្មោះ Sao Phuangthong​ អាយុ ៤០ ឆ្នាំដេកសន្លប់ស្តូកស្តឹងនៅលើដីដោយមានរបួសគ្រាប់កាំភ្លើងនៅលើទ្រូងនិងខ្នងរបស់គាត់។ លើសពីនេះគេក៏ឃើញជនជាប់ចោទឈ្មោះ Chaowalit កំពុងតែស្ថិតនៅកន្លែងកើតហេតុ​ព្រមទាំងមានកាន់កាំភ្លើងខ្លីម៉ាក a .38 មួយដើមផងដែរ។ ប៉ូលិសបាននិយាយថា មុនពេលកើតហេតុ​ជនរងគ្រោះព្យាយាមហៅអ្នកដំណើរដែលទើបតែចេញពីរថភ្លើងដើម្បីមកប្រើប្រាស់សេវាកម្ម​ជិះកង់បីរបស់ខ្លួន​ ស្រាប់តែ​ជនល្មើសលោក Chaowalit បានដើរពីខាងក្រោយហើយបាញ់​ជនរងគ្រោះ​មួយគ្រាប់ហើយមួយគ្រាប់ទៀត ​រហូតដល់ជនរងគ្រោះដួលទៅនឹងដី។

ជនល្មើសលោក Chaowalit បានប្រាប់ប៉ូលិសថា ​រូបគេខឹងនឹង​ជនរងគ្រោះដែលដណ្តើមយកអតិថិជនរបស់​ខ្លួន។ ជនរងគ្រោះត្រូវបានបញ្ជូនទៅកាន់មន្ទីរពេទ្យ Hat Yai ​ជាមួយនឹងស្ថានភាពធ្ងន់ធ្ងរ។ ប៉ូលិសកំពុងតែធ្វើការស៊ើបអង្កេតនិង​រង់ចាំរបាយការណ៍របស់មន្ទីរពេទ្យអំពីស្ថានភាពរបស់​ជនរងគ្រោះ ដើម្បីចាត់ការជនល្មើសតាមផ្លូវច្បាប់៕

កែសម្រួលដោយ៖ ភារ៉ា

ប្រភព៖ the thaiger

from： https://tnaot.com/km/m/detail/article/9689467