Sign In 
រាជធានីភ្នំពេញ៖ ពិធីការិនីជើងចាស់ដ៏ល្បីឈ្មោះ និងនៅតែមានប្រជាប្រិយភាពនាពេលបច្ចុប្បន្ននេះ អ្នកនាង គង់ សុជាតិ បានធ្វើអោយមហាជនមានការភ្ញាក់ផ្អើលយ៉ាងខ្លាំង បន្ទាប់ពីធ្លាយរូបសម្រស់កាលពីជំនាន់អ្នកនាងប្រកួតបវរកញ្ញា។
កាលពីពេលថ្មីៗនេះ នៅក្នុងគណនីហ្វេសប៊ុករបស់កម្មវិធី Support Beauty Pageant បានបង្ហោះនូវរូបភាពជាច្រើនសន្លឹកពីការប្រកួតបវរកញ្ញាកាលពីឆ្នាំ១៩៩៥ ដោយនៅក្នុងនោះមហាជនក៏សង្កេតឃើញមាន អ្នកនាង គង់ សុជាតិ ក៏ជាបេក្ខនារីមួយរូប ក្នុងចំណោមបេក្ខនារីជាច្រើនរូបនៅក្នុងកម្មវិធីប្រឡងសម្រស់មួយនេះ នាសម័យនោះ ។
នៅក្នុងរូបភាពជាច្រើនសន្លឹកនោះពិធីការិនី អ្នកនាង គង់ ជាតិ ធ្លាប់ជាអតីតបេក្ខនារីបវរកញ្ញាដែលបានចូលរួមប្រឡង ប៉ុន្តែមិនទទួលបាន រង្វាន់ជ័យលាភីនោះទេកាលពីឆ្នាំនោះ ។ បើទោះបីជាមិនទទួលបានលេខ១ ក៏ពិតមែន តែបើនិយាយពីសម្រស់របស់អ្នកនាង កាលពីជំនាន់នោះពិតជាស្រស់ស្អាតខ្លាំង និងនៅតែរក្សាភាពស្រស់ស្អាតមួយនេះ មកទល់បច្ចុប្បន្នទៀតផង។
អ្វីដែលគួរឲ្យកត់សម្គាល់នោះ គឺសម្រស់របស់អ្នកនាងគង់ សុជាតិ រឹតតែក្មេងជាងវ័យបើទោះបីជាអ្នកនាងមានកូនប្រុសស្រីដល់ទៅ ៣ រូបក្តី នេះប្រហែលជាទទួលបានការថ្នាក់ថ្នមចិត្តកាយខ្លាំងពីសំណាក់ប្តីក្មេង លោក ជា វិបុល ដែលជាបុរសសង្ហានិងជាពិធីករដ៏ល្បីឈ្មោះមួយដួងដែរនោះ។
គួរបញ្ជាក់ផងដែរថា ចាប់តាំងពីចូលសិល្បៈតាំងពីឆ្នាំ១៩៩៥មក អ្នកនាង នៅតែមានប្រជាប្រិយភាព និងឈ្មោះបោះសម្លេងតាមរយៈជាពិធីការិនីនៅក្នុងកម្មវិធីជាច្រើន រហូតនៅតែរក្សាបានប្រជាប្រិយភាពមួយនេះអស់រយៈពេលជាង ២៥ឆ្នាំមកហើយ ។
តោះមកគយគន់សម្រស់របស់ស្រីស្អាតរូបនេះថា កាលនោះស្ត្រីរបស់អ្នកនាងឆើតឆាយនិងគួរឲ្យខ្នាញ់យ៉ាងណាខ្លះ ៕ ផ្តល់សិទ្ធដោយ៖កោះសន្តិភាព
