Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

អ្នក​កំណាញ់​ស្វិត​រមែង​ទៅ​កើតជា​មនុស្ស​ក្រ​រហាម

នៅ​សម័យ​ពុទ្ធកាល​មាន​សេដ្ឋី​ម្នាក់​ឈ្មោះ​អានន្ទ​សេដ្ឋី​ជា​មនុស្ស​កំណាញ់​ស្វិត មិន​ដែល​ដាក់​ទាន​ឱ្យ​អ្នក​ណា​ម្តង​ឡើយ ។ អានន្ទ​សេដ្ឋី​នេះ​មានកូន​ប្រុស​ម្នាក់​ឈ្មោះ​មូល​សិរី គាត់​បាន​កប់​កំណប់ទ្រព្យ​ទុក​នៅ​ក្នុងផ្ទះ​មាន​ប្រាំ​កន្លែង មិន​ឱ្យ​អ្នក​ណា​ដឹង​ឡើយ ។

ក្រោយមក​អានន្ទ​សេដ្ឋី​នោះ​ក៏​បាន​ធ្វើ​មរណកាល​ទៅ​កើត​ក្នុង​ត្រកូល​ចណ្ឌាល​មាន​រូបរាង​វិកលវិការ​មិន​សមប្រកប​ជា​មនុស្ស​នឹង​គេ​ទេ ហើយ​ក៏​មិន​បាន​ជាទី​ពេញចិត្ត​ដល់​អ្នកផង​ទាំងឡាយ ។

តាំង​តែ​ពី​ពេល​ដែល​ទារក​នោះ​បាន​ចាប់បដិសន្ធិ រហូត​ដល់​សម្រាល​ចេញ​មក ត្រកូល​ចណ្ឌាល​នោះ​ក៏​ធ្លាក់ខ្លួន​ក្រីក្រ​លំបាក​វេទនា​រកស៊ី​ធ្វើការ​អ្វី​ក៏​មិន​ចម្រើន រក​ព្រឹក​ខ្វះ​ល្ងាច រក​ល្ងាច​ខ្វះ​ព្រឹក​ក្រ​រហាម ។ ព្រោះតែ​ម្តាយ​មិន​អាច​ចិញ្ចឹម​កូន​នោះ​បាន​ទើប​បណ្តោយ​ឱ្យ​កូន​ដើរទៅ​សុំទាន​គេ យក​មក​ចិញ្ចឹមជីវិត​ទៅ​តាម​សមត្ថភាព​ដែល​អាច​រកបាន​ ។

ដោយសារ​តែ​ក្មេង​ប្រុស​នោះ​ដឹងជាតិ ថ្ងៃមួយ​ក្មេង​នោះ​បាន​ដើរ​ចូល​ទៅ​ដល់​ផ្ទះ​មូល​សិរី​សេដ្ឋី ដែល​ជា​ផ្ទះ​របស់​ខ្លួន​កាលពី​ជាតិ​មុន ។ គាប់​ជួន​ថ្ងៃ​នោះ​ដែរ ព្រះ​បរម​សាស្តា​មាន​ព្រះ​អានន្ទ​ជា​បច្ឆាសមណៈ ក៏​ស្តេច​យាង​ទៅ​ទីនោះ​ទ្រង់​ទតព្រះនេត្រ​ឃើញ​ក្មេង​នោះ​ហើយ ទ្រង់​ត្រាស់​ប្រាប់​ដល់​មូល​សិរី​សេដ្ឋី​ថា ក្មេង​នេះ​គឺជា​អានន្ទ​សេដ្ឋី​បិតា​របស់​អ្នក​ហើយ ។

គ្រានោះ​មូល​សិរី​សេដ្ឋី​មិន​ជឿ​។ ព្រះ​សាស្តា​ទ្រង់​ត្រាស់​ឱ្យ​ក្មេង​នោះ​ប្រាប់​កំណប់ទ្រព្យ​ដែល​ខ្លួន​បាន​កប់​ទុក​កាលពី​ជាតិ​មុន ដើម្បី​បញ្ជាក់​ឱ្យ​មូល​សិរី​សេដ្ឋី​ជឿ ហើយ​ទ្រង់​ត្រាស់​នូវ​ព្រះ​គា​ថា​​នេះ​ថា ជនពាល​តែង​ក្តៅ​ក្រហល់ក្រហាយ​ថា បុត្រ​ទាំងឡាយ​របស់​អញ​មាន ទ្រព្យសម្បត្តិ​របស់​អញ​មាន តាម​ការ​ពិត សូ​ម្បី​ខ្លួនឯង​មិនមែន​ជា​របស់​ខ្លួន​ផង តើ​បុត្រ​ទាំងឡាយ​នឹង​មាន​មកពីណា ទ្រព្យ​នឹង​មាន​មកពីណា ។

លុះ​ចប់​ធម៌​ទេសនា មូល​សិរី​សេដ្ឋី​នោះ​ក៏​បាន​សម្រេច​ធម៌​តាម​ឧបនិស្ស័យ​របស់​ខ្លួន ហើយ​ជឿ​ប្រាកដ​ថា ក្មេង​វិកលវិការ​នេះ​ពិតជា​បិតា​របស់​ខ្លួន​កាលពី​ជាតិ​មុន​មែន ហើយ​ក៏​ទទួ​ល​​ចិញ្ចឹម​ថែរក្សា​ទុកដូចជា​បិតា​របស់​ខ្លួន​តរៀង​ទៅ ។

ផ្តល់សិទ្ធដោយ៖កោះសន្តិភាព

from: https://tnaot.com/km/m/detail/article/9689371