គ្រូបង្វឹក Liverpool លោក Jurgen Klopp បាននិយាយថា ខ្លួនមិនអាចទិញកីឡាករច្រើនសន្ធឹកដូចអ្វីដែល Chelsea កំពុងធ្វើនោះទេ ក្រោយត្រូវបានចោទសួរអំពីការទិញកីឡាករថ្មីមកទឹកដីAnfield រដូវកាលថ្មីនេះ។

ពាក់ពន្ធ័នឹងការលើកឡើងខាងលើនេះ គ្រូបង្វឹកឈុតធំChelsea លោក Frank Lampard បានឆ្លើយតបភ្លាមៗមិនទុកយូរថា គ្មានក្លឹបធំៗណាដែលអាចប្រជែងយកពានPremier League ដោយមិនមានការទិញយកកីឡាករថ្មីៗ ថ្លៃៗឡើយ សូម្បីតែ Liverpool រដូវកាលមុន។

Lampard លើកឡើងថា៖ “បើយើងក្រឡែកមើលថយក្រោយបន្តិច Liverpool ក៏បានចាយលុយសន្ធឹកទៅលើ Van Dijk Alisson Fabinho និង Naby Keita ដូចគ្នា។ គ្មានក្លឹបណាអាចឈ្នះពានដោយមិនមានការទិញយកកីឡាករថ្មីៗឡើយ ហើយយើងទើបតែរួចពីការហាមឃាត់ទិញកីឡាករ ដូច្នេះយើងបានធ្វើអ្វីដែលយើងគួរតែធ្វើ។”

ប្រភព៖ Goal

from： https://tnaot.com/km/m/detail/article/9689088