Sign In 
ប្រាសាទភ្នំក្អែកពងគឺជាប្រាសាទដ៏ចំណាស់មួយនាសម័យចេនឡា តាំងទីនៅលើចង្កេះភ្នំក្អែកពង ដែលមានទីតាំងស្ថិតនៅភូមិក្អែកពង ឃុំតាំងស្យា ស្រុកភ្នំស្រួច ខេត្តកំពង់ស្ពឺ។
តាមការសិក្សាលើតួប្រាសាទ, គ្រឿងបង្គំ, សម្ភារៈសំណង់ ប្រាសាទធ្វើពីឥដ្ឋនេះទំនងជាសាងសង់ឡើងនៅដើមសតវត្សទី៧ ក្នុងរជ្ជកាលព្រះបាទឥសានវ័រ្មនទី១ជាស្ថាបនិករាជធានីឥសានបុរៈ ឬសំបូរព្រៃគុកដ៏ល្បីល្បាញ។
ប្រាសាទភ្នំក្អែកពងទើបតែត្រូវបានគេរកឃើញកាលពីប៉ុន្មានឆ្នាំមុនប៉ុណ្ណោះធ្វើឲ្យទីនោះក្លាយជាប្រាសាទចុងក្រោយដែលសេសសល់រូបរាងក្នុងខេត្តកំពង់ស្ពឺ។ ក្រៅពីប្រាសាទធំ គេឃើញសំណល់គ្រឹះប្រាសាទផ្សេងមួយទៀតក្បែរនោះ និងមានស្រះបុរាណមួយនៅជើងភ្នំសុទ្ធសឹងជារចនាសម្ព័ន្ធរបស់ប្រាសាទ៕
អត្ថបទ៖ WowCambodian
