ភ្នំពេញ៖ គ្រោះថ្នាក់ចរាចរណ៍មួយបានកើតឡើង នៅវេលាម៉ោង៨យប់ថ្ងៃទី១៣ ខែកញ្ញា ឆ្នាំ២០២០ រវាងរថយន្តនិងម៉ូតូ Todayមួយគ្រឿង នៅតាមបណ្តោយផ្លូវបេតុងលេខ៥០ម៉ែត្រត្រង់ចំណុចមុខអាហារដ្ឋាន៨៨៨៨ ស្ថិតក្នុងភូមិព្រែកប្រណាក់ សង្កាត់ជើងឯក ខណ្ឌដង្កោ រាជធានីភ្នំពេញ បណ្ដាលឲ្យភាគីម៉ូតូស្លាប់បាត់បង់ជីវិតនៅកន្លែងកើតហេតុ ។ 

 សមត្តកិច្ចបានឲ្យដឹងថា ភាគីរថយន្តម៉ាក PAJERO SPORT ពណ៌ត្រេអ៉ី ពាក់ផ្លាកលេខ ខេមរភូមិន្ទ2 2-6327ត្រូវបានសមត្តកិច្ច ឃាត់ខ្លួនម្ចាស់រថយន្តបានគឺមានមានឈ្មោះ សុខ សាន្ត ភេទប្រុស អាយុ៤១ឆ្នាំ ទីលំនៅបច្ចុប្បន្នផ្ទះលេខ១០ ផ្លូវលេខ៣៨៦ សង្កាត់បឹងគេងកង ខណ្ឌបឹងគេងកងរាជធានីភ្នំពេញ ចំណែកអ្នកបើកមានឈ្មោះ វណ្ណ បូរ៉ា ភេទប្រុស អាយុ៣៨ឆ្នាំ ទីលំនៅបច្ចុប្បន្នរស់នៅក្នុងបុរីប៉េងហួតជ្រោយចង្វារ រត់គេចខ្លួនបាត់។  

សមត្តកិច្ចបានបន្តទៀតថា ភាគីម៉ូតូម៉ាក HONDA TODAY ពណ៌ស ពាក់ស្លាកលេខ ភ្នំពេញ 1HZ-2363 បើកបរដោយឈ្មោះ សឿង សុវ៉ាត ភេទស្រី អាយុ៣៤ឆ្នាំ មុខរបរ កម្មករសំណង់ មានទីលំនៅភូមិអន្លូងឈើខ្លាង ឃុំព្រែកអំបិល ស្រុកស្អាង ខេត្តកណ្តាល (ស្លាប់)នៅកន្លែងកើតហេតុ។ យោងតាមប្រភពព័ត៌មានបានឲ្យដឹងថា មុនពេលកើតហេតុគេបានឃើញម៉ូតូជនរងគ្រោះបើកបរក្នុងទិសដៅពីត្បូងមកជើង បើកឆ្លងផ្លូវ រថយន្តវិញបើកបរពីលិចទៅកើត លុះបានមកដល់ចំណុចកើតហេតុរថយន្តបានបុកម៉ូតូយ៉ាងពេញទំហឹងតែម្តង បណ្តាឲ្យស្ត្រីដែលបើកម៉ូតូToday(ស្លាប់)ភ្លាមៗនៅនិងកន្លែង បន្ទាប់ពីមានករណីនេះបានកើតឡើងសមត្តកិច្ចនគរបាលប៉ុស្ត៍រដ្ឋបាលសង្កាត់ជើងឯកបានចុះដល់កន្លែងកើតហេតុ សហការជាមួយកម្លាំងជំនាញនគរបាលចរាចរណ៍ខណ្ឌដង្កោបានចុះទៅដល់កន្លែងធ្វើការពិនិត្យនិងវា់ស់វែងនៅកន្លែងកើតហេតុ។

  បច្ចុប្បន្ន: ចំពោះករណីគ្រោះថ្នាក់ចរាចរណ៍ខាងលើនេះសមត្តកិច្ចនគរបាលចរាចរណ៍ខណ្ឌដង្កោបានប្រគល់ទៅឲ្យការិយាល័យចរាចរណ៍ផ្លូវគោកនៃស្នងការរដ្ឋាននគរបាលរាជធានីភ្នំពេញចាត៉ការបន្តតាមនិតិវិធីច្បាប់ ។ ចំណែកសពត្រូវបានសមត្តកិច្ចធ្វើកំណត់ហេតុប្រគល់ឲ្យទៅក្រុមគ្រួសារយកទៅដឹកយកធ្វើបុណ្យតាមប្រពៃណី៕ដោយ÷សួង សាម

from： https://tnaot.com/km/m/detail/article/9688786