Sign In 
កាលពីថ្ងៃសុក្ររដ្ឋាភិបាលថៃបានរាយការណ៍ថា ប្រទេសថៃមានករណីថ្មីនៃអ្នកឆ្លងមេរោគកូវីដ១៩ចំនួន ៣នាក់ ជាជនជាតិថៃត្រឡប់មកពីប្រទេសស៊ូដង់ដែលធ្វើឱ្យចំនួនអ្នកឆ្លងជំងឺសរុបកើនឡើងដល់ ៣ ២៣៩នាក់។
មជ្ឈមណ្ឌលរដ្ឋបាលស្ថានភាពមេរោគកូវីដ១៩បានមានប្រសាសន៍ថា អ្នកជំងឺថ្មីទាំង ៣នាក់ ជាស្ត្រីដែលមានអាយុ ២២ឆ្នាំ ២៣ឆ្នាំ និង ២៨ឆ្នាំ ដែលបានមកដល់ប្រទេសថៃកាលពីថ្ងៃទី១០ ខែកក្កដា និងត្រូវបានដាក់ឲ្យនៅដាច់ដោយឡែកនៅខេត្ត Chon Buri។ ក្នុងចំណោមពួកគេមាន ២នាក់ ជានិស្សិតអាយុ ២២ និង ២៣ឆ្នាំ បានធ្វើតេស្តវិជ្ជមានកាលពីថ្ងៃអង្គារ ហើយអ្នកជំងឺថ្មីទី៣ បានធ្វើតេស្តវិជ្ជមានកាលពីថ្ងៃពុធ។ វេជ្ជបណ្ឌិត Taweesilp បានមានប្រសាសន៍ថា គិតមកដល់បច្ចុប្បន្នប្រជាជនថៃចំនួន ៤៥០នាក់ បានវិលត្រឡប់មកពីប្រទេសស៊ូដង់ ហើយក្នុងចំណោមពួកគេមាន ២១នាក់ បានឆ្លងមេរោគកូវីដ១៩។
រូបតំណាង
គិតមកដល់ថ្ងៃនេះប្រទេសថៃមានអ្នកជំងឺ ៣ ០៩៦នាក់ បានជាសះស្បើយឡើងវិញ ហើយបន្សល់ទុកអ្នកជំងឺចំនួន ៨៥នាក់ ឱ្យនៅសម្រាកក្នុងមន្ទីរពេទ្យ រីឯអ្នកស្លាប់នៅរក្សាចំនួន ៥៨នាក់ដដែល៕
កែសម្រួលដោយ៖ ភារ៉ា
ប្រភព៖ Bangkok post
