អ្នកសារព័ត៌មានដ៏ល្បីមួយរូបជនជាតិអង់គ្លេសគឺលោក Piers Morgan ជឿថា Cristiano Ronaldo មានភាពល្អជាង Lionel Messi ដោយសារតែការលេងបានច្រើនក្លឹប និងលេងក្នុងលីគខុសៗគ្នាបានច្រើន។

ការពិភាក្សាជុំវិញរឿងថាតើ កីឡាករណាមួយល្អជាងគេលើលោករវាង Messi និង Ronaldo បានកើតឡើងអស់ពេលជាង១ទសវត្សរ៍ហើយ ខណៈកីឡាករទាំង២ បានឈ្នះពានរង្វាន់ទាំងថ្នាក់ក្លឹប និងពានរង្វាន់ផ្ទាល់ជាច្រើនផងដែរ។

«ខ្ញុំមើលទៅលើ Messi ដែលលេងតែមួយក្លឹប, គាត់មិនដែលធើ្វអ្វីឲ្យអស្ចារ្យឡើយក្នុងការប្រកួតឲ្យក្រុមជម្រើសជាតិ, ស្ថិតិរបស់គេក្នុង Champions League ក៏មិនអាចប្រៀបទៅនឹង Ronaldo បានដែរ»​ លោក Piers Morgan និយាយប្រាប់សារព័ត៌មាន talkSport។

«ប៉ុន្ដែ Ronaldo បានធើ្វវាឡើងនៅលើការលេងឲ្យក្រុមជម្រើសជាតិ។ គាត់ធើ្វបានឲ្យប្រទេសរបស់គាត់ ហើយគេពិតជាបង្ហាញទម្រង់លេងបានយ៉ាងល្អឲ្យក្រុមជម្រើសជាតិ។ ការលេងក្នុងលីគព័រទុយហ្គាល់, អង់គ្លេស, អេស្ប់ាញ ហើយឥលូវគឺអ៊ីតាលី»៕



ប្រភព៖ talkSPORT

from： https://tnaot.com/km/m/detail/article/9499639