Sign In 
វត្តមហាលាភជាអារាមហ្លួងបុរាណដែលមានព្រះវិហារធំសង់អំពីឈើប្រក់ក្បឿង ស្ថិតក្នុងឃុំមហាលាភ ស្រុកកោះសុទិន ខេត្តកំពង់ចាម។
ព្រះវិហារនេះកសាងតាំងពីអំឡុងឆ្នាំ១៨៨០ ក្នុងរជ្ជកាលព្រះបាទនរោត្តម ជាស្ថាបត្យកម្មព្រះវិហារដែលមានវ័យចំណាស់ជាងគេនៅខេត្តកំពង់ចាម។ វត្តមហាលាភ មានសសរសរុបចំនួន៦០ដើម អំពីឈើសុក្រម (សុក្រំ) លម្អដោយគំនូរបិទមាសយ៉ាងល្អឯក។
ក្រៅពីមានអាយុចំណាស់ប្រមាណ១៤០ឆ្នាំមានសេសសល់គំនូរបុរាណដែលគូរតាំងពីចុងស.វទី១៩នៅលើសសរឈើ និងពិតាន។ ក្រៅពីនោះវត្តនេះមានប្រវត្តិទាក់ទងនឹងរឿងព្រេងក្រពើនាងឱរ៉ៃ ក្នុងរឿងភ្នំសុពណ៌កាឡីថែមទៀតផង ដែលអ្នកទេសចរមិនគួររំលង បើបានទៅលេងស្រុកកោះសុទិន៕
