ខ្សែបម្រើនាំលេង Kevin De Bruyne បាននិយាយត្រង់ៗថា ខ្លួនមិនខ្វល់អ្វីបន្ដិចឡើយ ទោះ Manchetser City មិនអាចយកបាន Lionel Messi ក៏ដោយក្នុងរដូវក្ដៅនេះ។

Messi ត្រូវបានគេរាយការណ៍ បានជាប់ពាក់ព័ន្ធខ្លាំងជុំវិញការផ្លាស់មកលេងក្រុមមេឃខៀវ ប៉ុន្ដែអ្វីៗក៏បានរលាយទៅវិញ ក្រោយសាមីខ្លួនប្រកាសថា នឹងបន្ដលេងឲ្យ Barcelona ក្នុងរដូវកាលថ្មីនេះ។

ផ្ដល់បទសម្ភាសដល់សារព័ត៌មាន Sportsmail កីឡាករជម្រើសជាតិបែលហ្ស៊ិករូបនេះ បាននិយាយថា៖ «ដោយស្មោះទៅ ខ្ញុំមិនសូវគិតពីរឿងនេះទេ។ បើវាបម្រុងនឹងកើតឡើង​ នោះវានឹងកើតឡើងហើយ»។

«បើអ្នកអាចយក Messi មកក្នុងក្រុមរបស់អ្នកបាន អ្នកនឹងត្រូវតែធើ្វរឿងនេះ។ ខ្ញុំខ្ញុំអាចមើលឃើញវាពីទស្សនៈនៃការលេងនិងជាពិសេសក្នុងនាមជាក្លឹបតែមួយ»។

«ទោះអ្នកចាយច្រើនទៅលើគេក៏ដោយ តែអ្វីដែលអ្នកទទួលបានមកវិញ ក៏ច្រើនតាមនឹងដែរ។ ដូច្នេះខ្ញុំអាចយល់បាននូវការសម្រេចចិត្ដដែលក្លឹបព្យាយាមទិញរូបគេ» De Bruyne បន្ថែម៕

ប្រភព៖ Dailymail

from： https://tnaot.com/km/m/detail/article/9681442