ខ្សែប្រយុទ្ធសញ្ជាតិអាហ្សង់ទីនបានរិះគន់នឹងទម្រង់លេងរបស់ក្រុមខ្លួនក្រោយទទយលរងបរាជ័យនៅទឹកដីខ្លួនឯងដោយចាញ់ក្រុមOsasuna ២ទល់នឹង១ និងស្របពេលដែល Real Madrid បានលើកពាន La Ligaក្នុងឆ្នាំ ២០១៩-២០២០ នេះផងដែរ។

លទ្ធផលនេះធ្វើអោយ Messi មិនសប្បាយចិត្តឡើយ ដោយបានលើកឡើងថា៖ “ពួកយើងពិតជាមិនចង់បញ្ចប់រដូវកាលយើងដោយបែបនេះទេ។ ពួកយើងខ្សោយណាស់ ពួកយើងបានបាត់បង់ពិន្ទុជាច្រើន។ ពួកយើងគួរតែពិចារណារកកំហុសរបស់ខ្លួនឯង។ ពួកយើងមិនគួរមើលទៅ Real Madrid ទេ។ ពួកគេបានសម្រេចការងាររបស់គេ។ តែយើងបានជួយពួកគេច្រើន។”

Messi ក៏បានបន្តទៀតថា ប្រសិនបើពួកយើងចង់ឈ្នះ Champion League យើងត្រូវការការផ្លាស់ប្តូរច្រើន បើយើងបន្តទម្រង់លេងបែបនេះ យើងនឹងចាញ់ Napoli នៅ Champion League ទៀត។

គួរបញ្ជាក់ផងដែរថា Barcelona ទទួលរងបរាជ័យ៦ដងក្នុងរដូវកាលនេះក្នុង La Liga ដែលជាមូលហេតុធ្វើអោយគូសត្រូវ Real Madrid លើកពាននេះជាលើកដំបូងរាប់ចាប់ពីឆ្នាំ ២០១៧ មក។

ប្រភព៖ Goal.com

from： https://tnaot.com/km/m/detail/article/9496059