Sign In 
មិនសរសើរមិនបាន ក្មេងប្រុសអាយុ ១៨ឆ្នាំម្នាក់មានជំនាញពិសេសផាត់មុខបែប 3D យ៉ាងបុិនប្រសព្វ
រាជធានីភ្នំពេញ៖ ពិតជាមានការភ្ញាក់ផ្អើលនិងគួរឱ្យកោតសរសើរនូវស្នាដៃកូនខ្មែរម្នាក់ដែលអាចគូរ និងផាត់មុខបែប 3D នៅលើខ្លួនឱ្យចេញជារូបរាងបែបទម្រង់ខ្មែរ និងទម្រង់បែបសម័យទំនើបផ្សេងៗទៀត ។
គំនូរ និងការច្នៃប្រឌិតឱ្យចេញជាការផាត់មុខបែប 3D មួយនេះកំពុងតែទទួលបានការចាប់អារម្មណ៍ខ្លាំងនាពេលបច្ចុប្បន្ននេះ ។ ស្នាដៃទាំងអស់នេះ គឺជាស្នាដៃរបស់ ជេស៊ុប ដែលប្រិយមិត្តមួយចំនួនស្គាល់ឈ្មោះហៅក្រៅថា Jesub Dolibop ។
ជេស៊ុប មានអាយុ ១៨ឆ្នាំ ជាអ្នកផាត់មុខទម្រង់បែប 3D ដែលរៀនដោយខ្លួនឯងតាមរយៈ internet ដែលហៅថា « Self-taught makeup artist» និងចេះគូររូបតាំងពីអាយុ ៣ឆ្នាំ ហើយចាប់ផ្តើមស្រឡាញ់ការផាត់មុខនៅក្នុងឆ្នាំ ២០១៧ ។
ដោយចិត្តស្រលាញ់ និងមានការជូយគាំទ្រពីមនុស្សនៅជុំវិញខ្លួនដូចជា គ្រួសារ មិត្តភក្តិ និងអ្នកទៀតផ្សេងៗនៅក្នុងបណ្តាញសង្គម Internet ទើបធ្វើឱ្យ ជេស៊ុប យកចិត្តទុកដាក់ទៅលើការគូររូបលើក្រដាស នឹងផាត់មុខបូកបញ្ចូលគ្នាឱ្យចេញទម្រង់ការផាត់មុខប្លែកៗ ដូចជា បែប3D តុក្កតា និងជាពិសេសទម្រង់សិល្បៈខ្មែរ ដូចជា ទូកង ស្តេចយក្សនៅនគរលង្កា និងល្ខោនខោលជាដើម ។
លើសពីនេះ ជេស៊ុប ឱ្យដឹងថា «ប្រើរយៈពេលនៃការផាត់នីមួយៗមានរយៈពេលយូរចាប់ពី ៦ ទៅ ៧ ម៉ោង ដូច្នេះនៅពេលខ្ញុំផាត់វាឃើញមិនសូវស្អាត ឬមិនដូចអ្វីដែលខ្ញុំចង់បាន គឺត្រូវលុបចោល ហើយផាត់សារថ្មី ។ ដូចនេះហើយខ្ញុំត្រូវគូរលើក្រដាសមុន នៅគម្រោងខ្ញុំចង់បាន ទើបខ្ញុំផាត់លើមុខ និងខ្លួនតាមក្រោយ» ។
