ក្លឹបដែលឈ្នះពាន Premier Leagueរួចទៅហើយ ហង្សក្រហម Liverpoolត្រូវធ្វើដំណើរទៅសួរសុខទុក្ខក្រុមកាំភ្លើងធំ Arsenalកាលពីយប់មិញ ក្នុងក្របខណ្ឌ័លីគកំពូលអង់គ្លេសនាសប្តាហ៏ទី ៣៦។

ក្នុងការប្រកួត Liverpool មានប្រៀបច្រើនដោយបើកការវាយសម្រុកច្រើន រហូតស៊ុតបានសរុប ១៧ជើងចូលត្រឹមមួយគ្រាប់។ ឯ Arsenal ស៊ុតត្រឹម៣ជើងប៉ុណ្ណោះ តែចូលបានរហូតដល់២គ្រាប់។  ជាលទ្ធផល Liverpool បានត្រឹមទទួលរងបរាជ័យក្នុងលទ្ធផល ២ទល់នឹង ១ ប៉ុណ្ណោះ។ ២ គ្រាប់របស់ Arsenal រកបានដោយ  Alexandre Lacazette និង Reiss Nelson។ ឯមួយគ្រាប់របស់ Liverpool រកបានដោយកីឡាករសេណេហ្គាល់Sadio Mane។

លទ្ធផលនេះធ្វើក្លឹប Liverpool មិនអាចក្លាយជាក្លឹបដែលអាចរកបាន ១០០ បូកពិន្ទុក្នុងមួយរដូវកាលនោះទេ បើទោះជាឈ្នះពានក្តី ព្រោះបច្ចុប្បន្ននេះ Liverpoolមានត្រឹម ៩៣ ពិន្ទុ ហើយការប្រកួតនៅសល់តែ២ ទៀតប៉ុណ្ណោះមុនចប់រដូវកាល។ គួរបញ្ជាក់ផងដែរថា Arsenal វិញបានត្រឹមនៅចំណាត់ថ្នាក់លេខ ៩ប៉ុណ្ណោះមាន ៥៣ ពិន្ទុដែលឆ្ងាយពី Top 4 រហូតដល់ ៦ ពិន្ទុ។

ប្រភព៖ Livescore 

from： https://tnaot.com/km/m/detail/article/9492172