កាលពីខែកក្កដា ៣ឆ្នាំមុន ក្រុមហ៊ុន Mercedes បានសម្រេចចិត្តបញ្ចេញរថយន្ត Mid-side Pickup Truck ដំបូងរបស់ខ្លួនគឺ X-Class ដែលយើងធ្លាប់បានដឹងរួចមកហើយថា Mercedes តែងតែយកអក្សរមួយតួដើម្បីសម្គាល់ Model របស់ខ្លួន។ 

ក្រុមហ៊ុនផលិតរថយន្តប្រណិតរបស់អាល្លឺម៉ង់មួយនេះក៏បានធ្វើអោយពិភពលោកភ្ញាក់ផ្អើលជាមួយនឹងរថយន្តកង់6 របស់ពួកគេផងដែរគឺ Mercedes G63 6×6 ដែលធ្វើការកែរប្រែទៅលើ Mercedes AMG G63 របស់ពួកគេ។ 

យ៉ាងណាក្ដី ក៏យើងនៅតែមិនទាន់បានឃើញរថយន្ត Pickup Truck ដែលមានលក្ខណៈទូទៅ (ដូចក្រុមហ៊ុនដរទៃបានផលិត) របស់ Mercedes ដាក់លក់នៅលើទីផ្សារដែរ។ រហូតមកដល់ថ្ងៃទី19 ខែកក្កដា ឆ្នាំ2017 ទើបក្រុមហ៊ុន Mercedes ប្រកាសចេញនូវម៉ូឌែល ​Pickup ដំបូងរបស់ខ្លួន ដែលបានប្រើប្រាស់តួខ្លួនសាក់ស៊ីរបស់ Nissan Navara ហើយបានបន្ថែមនូវបច្ចេកវិទ្យានិងលក្ខណៈពិសេសរបស់ Mercedes។

វាបានក្លាយជារថយន្ត Pickup ប្រណិតរបស់ Mercedes ដែលមានជម្រើស3 គឺPure, Progressive នឹង Power នៅពេលប្រកាសចេញដំបូងយើងឃើញមានជម្រើសម៉ាស៊ីន Turbo Inline4 តែប៉ុណ្ណោះ។ 

មួយរយៈក្រោយមកទើប Mercedes បញ្ចេញនូវម៉ាស៊ីនម៉ាស៊ូតទំហំធំមួយទៀតគឺ 3.0L Turbo V6 ជាមួយនឹងប្រអប់លេខ​ 7វគ្គអូតូ ដែលផលិតបានកម្លាំងសេះ 255hp@3600rpm នឹងកម្លាំងបង្វិល 406lbf⋅ft@1600rpm។

គួរអោយសោកស្ដាយដែលរថយន្តប្រភេទនេះមានលក់តែនៅ Australia, Europe, Latin America នឹង Africa តែប៉ុណ្ណោះ។

Facebook.com/TayAutoCambodia

from： https://tnaot.com/km/m/detail/article/9490390