ទោះបីជាក្រុមតារាចម្រៀងស្រីកូរ៉េ 2ne1 បានបែកបាក់ក្រុមពីគ្នាក៏ពិតមែន តែយ៉ាងណាការគាំទ្រលើរូបពួកគេនៅតែមានជានិច្ចពីហ្វេនៗរបស់ខ្លួនផងដែរ។

ថ្មីៗនេះ តារាចម្រៀងស្រីកូរ៉េ CL បានទទួឡការចាប់អារម្មណ៏ខ្លាំងលើ Poster ថ្មីរបស់ខ្លួនជាមួយនឹងវីដេអូអាថ៌កំបាំងមួយដែលជាតម្រុយសម្រាប់អ្នកគាំទ្រកំពុងរង់ចាំការវិលត្រឡប់មកវិញ។ ជាពិសេស CL បានធ្វើឲ្យអ្នកគាំទ្រកាន់តែរំភើបចិត្ត និង អន្ទះសាកាន់តែខ្លាំងឡើងក្រោយពីនាងបានបង្ហោះ Poster Teaser បទចម្រៀងថ្មីរបស់នាងដែលនឹងត្រៀមចេញនៅថ្ងៃទី ១៤ ខែកញ្ញា ឆ្នាំ ២០២០ ខាងមុខនេះហើយ។

គួរឲ្យដឹងផងដែរថា តាមរយៈរូបនេះក៏បានបង្ហាញនូវចំណងជើងបទចម្រៀង «Post Up» ជាមួយនឹងផ្ទាំងរូបភាពពណ៌ក្រហម និង ស្ទីលនៃការថតដ៏ប្លែករបស់ Queen of K-Popមានតែរង់ចាំតាមដានថាតើលើកនេះ CL នឹងមកអង្រួនអារម្មណ៏នឹងធ្វើអោយអ្នកគាំទ្ររបស់ខ្លួនទទួលចំណីអារម្មណ៏បែបណា? អត្ថបទដោយ៖ ត្នោត

from： https://tnaot.com/km/m/detail/article/9677148