Sign In 
យើងដឹងហើយថា ការប្រកួតប្រជែងនាក្របខណ្ឌ័កំពូល La Liga មានភាពតានតឹងខ្លាំងដោយបច្ចុប្បន្ន Real Madrid នៅលើកំពូលតារាងនាំមុខ Barcelonaត្រឹម ៤ពិន្ទុប៉ុណ្ណោះ ហើយនៅសល់តែ២ប្រកួតទៀតប៉ុណ្ណោះដើម្បីរកម្ចាស់ជើងឯក។
ប្រធានក្រុមល្បីខាងលេងកាច SergioRamos បានលើកឡើងថា ៖ “ឥឡូវយើងអត់ទាន់ឈ្នះពានហ្នឹងមែន ប៉ុន្តែដូចអ្នកគ្រប់គ្នាអាចបានឃើញ កីឡាករយើងម្នាក់ៗខិតខំលេង ចង់ឈ្នះពាន La Ligaខ្លាំងណាស់ ព្រោះថាពាននេះវាហាក់ដូចបានក្នុងដៃរបស់ពួកយើងទៅហើយ យើងខ្វះពិន្ទុតែបន្តិចទៀតទេ យើងនឹងឈ្នះវាហើយ។”
Ramos បន្តទៀតថា៖ “តាំងពីការប្រកួតចាប់ផ្ដើមវិញ យើងលេងឈ្នះរហូត។ យើងខិតខំណាស់រាល់ថ្ងៃ អញ្ចឹងហើយ សង្ឃឹមថាយើងនឹងអាចធ្វើការអបអរ លើកពានLa Liga នៅថ្ងៃព្រហស្បតិ៍ខាងមុខនេះ។”
គួរបញ្ជាក់ផងដែរថា នាថ្ងៃព្រហស្បត្តិ៍Real Madrid នឹងត្រូវប៉ះនឹង Villarealហើយ Real Madrid នឹងត្រូវឈ្នះជាដាច់បើសិនជាចង់លើកពាន ក្នុងករណីដែល Barcelona បានឈ្នះការប្រកួតសប្តាហ៏នេះដែរ។
ប្រភព៖ Goal.com
