ក្លឹបបិសាចក្រហម Manchester United កំពុងដាក់សំណើរដលល់អាជ្ញាធរក្នុងការសាកល្បង ដាក់ឲ្យមានអ្នកគាំទ្រចូលទស្សនាឡើងវិញក្នុងកីឡដ្ឋាន Old Trafford នៅក្នុងខែនេះ សម្រាប់ជំនួបទល់នឹង Crystal Palace។

បើយោងតាមលោក Andy Mitten ដែលជាអ្នកសារព័ត៌មានបានរាយការណ៍ថា United នឹងជួបជាមួយអាជ្ញាធរនៅថៃ្ងព្រហស្បតិ៍នេះ ដើម្បីដាក់លិខិតស្នើសុំតួលេខមួយចំនួននៃអ្នកគាំទ្រដើម្បីឲ្យពួកគេត្រលប់មកមើលការប្រកួតឡើងវិញ។

សេចក្ដីរាយការណ៍បន្ដបានឲ្យដឹងថា United រំពឹងនឹងអាចស្វាគមន៍អ្នកគាំទ្រប្រមាណ ១២,០០០នាក់ ដើម្បីទស្សនាការប្រកួតក្របខណ្ឌ Premier League ទល់នឹង Palace។

Mitten បានបញ្ជាក់ដែរថា ចំនួនអ្នកចូលទស្សនានឹងអាចកើនឡើង ក្នុងការប្រកួតទល់នឹង Tottenham Hotspur នាថៃ្ងទី៣ ខែតុលា ខាងមុខ។

យ៉ាងណាក្ដី រូបលោកក៏បានបញ្ជាក់ទៀតថា ក្លឹបនឹងត្រូវស្វែងរកការប្រកួតណាមួយ ដើម្បីជាការតេស្ដសាកល្បង មុននឹងអនុញ្ញាតឲ្យអ្នកគាំទ្រចូលទស្សនាដូចបានរៀបរាប់ខាងលើ៕

ប្រភព៖ Full Time Devil 

from： https://tnaot.com/km/m/detail/article/9676444