Sign In 
រាជធានីភ្នំពេញ៖ ក្រសួងផែនការបានចេញសេចក្តីណែនាំថ្មីមួយ ដល់មន្ត្រីរបស់ខ្លួន ឲ្យបំពេញភារកិច្ចស្រង់ស្ថិតិពលរដ្ឋក្រីក្រឲ្យបានត្រឹមត្រូវ ដើម្បីឲ្យទិន្នន័យនោះមានគុណភាព តម្លាភាពចំពោះពលរដ្ឋទូទៅ ។ ធ្វើនេះ ដើម្បីឲ្យការផ្តល់បណ្ណសមធម៌ដល់ពលរដ្ឋក្រីក្រសម្រាប់ បើកសាច់ប្រាក់ឧបត្ថម្ភពីរដ្ឋាភិបាលអំឡុង ពេលមានជំងឺកូវីដ១៩នេះ មានតម្លាភាព។
លោក ឆាយ ថន រដ្ឋមន្ត្រីក្រសួងផែនការ បានជូនដំណឹងទៅប្រធានមន្ទីរផែនការ គ្រប់ខេត្ត-រាជធានី ឲ្យសហការជាមួយអាជ្ញាធរឃុំ-សង្កាត់ឲ្យបានជិតស្និទ្ធបំផុត ដើម្បីធ្វើការកំណត់អត្តសញ្ញាណពលរដ្ឋក្រីក្របន្ត ។
ក្នុងនោះលោករដ្ឋមន្ត្រីណែនាំមន្ត្រីឲ្យចុះផ្សព្វផ្សាយ ពន្យល់ ប្រជាពលរដ្ឋ ពីនីតិវិធីកំណត់អត្តសញ្ញាណកម្មគ្រួសារក្រីក្រ។ ធ្វើការណែនាំដល់គ្រួសារដែលកំពុងប្រើបណ្ណសមធម៌ ដែលហួសសុពលភាពឬធ្វើការ ដកបណ្ណសមធម៌ ពីពលរដ្ឋមានជីវភាពប្រសើរ និងកំណត់អត្តសញ្ញាណកម្មគ្រួសារក្រីក្រ ដែលនៅពុំទាន់មានបណ្ណសមធម៌ ដើម្បីទទួលបានបណ្ណសមធម៌៕ ត្នោត
