Sign In 
នៅថ្ងៃអង្គារនេះរដ្ឋាភិបាលថៃបានរាយការណ៍ថា ប្រទេសថៃមានករណីថ្មីនៃអ្នកឆ្លងមេរោគកូវីដ-១៩ចំនួន ៧នាក់។
ក្នុងនោះមានជនជាតិថៃត្រឡប់មកពីប្រទេសអេស៊ីបចំនួន ៦ នាក់ និងមកពីសហរដ្ឋអាមេរិកម្នាក់ ដែលធ្វើឱ្យចំនួនអ្នកឆ្លងសរុបក្នុងប្រទេសកើនឡើងដល់ ៣ ២២៧នាក់ ហើយអ្នកស្លាប់នៅរក្សាចំនួន ៥៨នាក់ដដែល។ ក្នុងចំណោមអ្នកឆ្លងទាំង៣ ២២៧នាក់ មានអ្នកជំងឺចំនួន ៣០៩១នាក់ បានជាសះស្បើយ និងបន្សល់ទុកអ្នកជំងឺ ៧៨នាក់ឱ្យនៅបន្តសម្រាកព្យាបាលក្នុងមន្ទីរពេទ្យនៅឡើយ។ អ្នកជំងឺមកពីអេស៊ីប ទាំង ៦នាក់ ជានិស្សិតប្រុសមានអាយុចន្លោះពី ២០ឆ្នាំ ដល់ ៣២ឆ្នាំ។ ពួកគេបានមកដល់ប្រទេសថៃនៅថ្ងៃទី៨ ខែកក្កដា ហើយត្រូវបានដាក់ឱ្យនៅដាច់ដោយឡែកនៅខេត្ត chon Buri។ ពួកគេបានធ្វើតេស្តវិជ្ជមានកូវីដ-១៩ កាលពីថ្ងៃទី១១ ខែកក្កដា។ អ្នកជំងឺដែលត្រឡប់មកពីសហរដ្ឋអាមេរិកគឺជាអ្នកបម្រើស្រីអាយុ ៦៦ឆ្នាំ បានមកដល់ប្រទេសថៃកាលពីថ្ងៃទី៩ ខែកក្កដា។ គាត់ត្រូវបានដាក់ឱ្យនៅដាច់ដោយឡែកនៅទីក្រុងបាងកកនិងបានធ្វើតេស្តវិជ្ជមានកូវីដ-១៩ នៅថ្ងៃទី១២ ខែកក្កដា។
រូបតំណាង
នៅទូទាំងពិភពលោកមានអ្នកឆ្លងមេរោគកូវីដ-១៩ចំនួន ១៣.២៣លាននាក់ និងមានអ្នកស្លាប់សរុបចំនួន ៥៧៥ ៥២៥នាក់។ សហរដ្ឋអាមេរិកមានអ្នកឆ្លងច្រើនបំផុតគឺ ៣.៤៨លាននាក់៕
កែសម្រួលដោយ៖ ភារ៉ា
ប្រភព៖ Bangkok Post
