តារាចម្រៀងសញ្ជាតិកាណាដា Justin Bieber បានពន្យល់មូលហេតុ នាំឱ្យបទ «Dynamite» របស់ក្រុម BTS ទទួលជោគជ័យ ខណៈតារាប្រុសរូបនេះ បានប្រាប់សារព័ត៌មាន E! News ថា “អ្នកចេះរបៀបសាងឈ្មោះឱ្យមានក្នុងប្រវត្តិសាស្ត្រ គឺក្រុម BTS ដោយក្រុមចម្រៀងកូរ៉េនេះ បានបង្កើតកំណត់ត្រាជាច្រើនក្នុងវិស័យចម្រៀងទូទាំងពិភពលោក”។ 

នៅក្នុងវីដេអូផ្ដល់បទសម្ភាសន៍រយៈពេល ២នាទី Justin បានប្រាប់ពីជោគជ័យមួយចំនួនរបស់ BTS ទទួលបានរយៈពេលច្រើនឆ្នាំកន្លងមកនេះ និងប្រាប់ជោគជ័យរបស់ពួកគេជាមួយបទ «Dynamite» ដែរ ។ 

តារាប្រុសពោរពេញដោយរឿងអាស្រូវនេះ បញ្ជាក់ថា ក្រុមចម្រៀងប្រុសកូរ៉េមួយនេះ បានចេញបទចម្រៀងជាភាសាអង់គ្លេសទាំងអស់ និងលេចមុខក្នុងស្ថានីយ៍វិទ្យុ និងកម្មវិធីធំៗនៅសហរដ្ឋអាមេរិកច្រើនដង។

Justin Bieber បន្តដែរថា ក្រុម BTS នៅតែរក្សាជំហរលើគោលការណ៍របស់ខ្លួន ខណៈក្រុមនេះ ធ្លាប់លើកឡើង ភាសាកូរ៉េជាផ្នែកមួយបញ្ជាក់ ពីអត្តសញ្ញាណរបស់ពួកគេ ប្រហែលមិនចេញបទចម្រៀងជាភាសាអង់គ្លេសច្រើនទេ។

ជាមួយការបញ្ចេញមតិរបស់ Justin ធ្វើឲ្យអ្នកគាំទ្រជាច្រើនរំភើបចិត្ត ព្រោះពួកគេដឹង ថា Jungkook ក៏ជាអ្នកគាំទ្ររបស់ Justin Bieber ដែរ៕ ដោយ៖ ឧស្សាហ៍

សូមទស្សនាវីដេអូទាំងស្រុងខាងក្រោមនេះ៖

https://youtu.be/JTjVQqluqQI

from： https://tnaot.com/km/m/detail/article/9674720