Sign In 
ខេត្តរតនគិរី៖ ការផ្លាស់ប្តូររបៀបរបបក្នុងការរស់នៅរបស់បងប្អូនជនជាតិដើមភាគតិច ជាពិសេសព្នងនៅខេត្តភូមិភាគឦសាន បានធ្វើឲ្យភ្ញៀវទេសចរអាចមានឱកាសស្គាល់រស់ជាតិនៃមុខម្ហូបពួកគាត់ ព្រោះមានហាងម្ហូបជនជាតិដាក់លក់រង់ចាំភ្ញៀវទេសចរនៅដោយកន្លែង។
អាជីវករមួយរូប ដែលប្រកបមុខរបលក់ម្ហូបដែលមានយីហោថា «ចាណាងដំរីលើកជើង» មានទីតាំងស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី រៀបរាប់ថា សម្លរបស់គាត់ពេញនិយមបំផុតសម្រាប់តំបន់នេះ គាត់លក់ដាច់ខ្លាំងណាស់សម្លរដែលពេញនិយមបំផុត ហើយក្រៅពីសម្លរនេះ នៅមានមុខម្ហូបជាច្រើនមុខទៀតដូចជា៖ ក្រៅពីសម្លរចាណាង មានមុខម្ហូបគេហៅថា សម្លរម៉ាភា.ភីភា.ឡាប.កយ.សេក.សម្លរប្រូង.សម្លរបុកម្សៅ ។ល។
សូមមហាជនមកស្គាល់មុខម្ហូបចំនួនជាច្រើនមុខ ដែលអ្នករស់នៅខេត្តរតនគិរី តែងតែធ្វើជាប្រចាំ សម្រាប់បរិភោគ និងទទួលភ្ញៀវក្នុងពិធីផ្សេងៗ៖
ទី១-សម្លរចាណាង ជាទីពេញនិយមសម្រាប់មន្ត្រីរាជការ ក៏ដូចជាប្រជាពលរដ្ឋដែលមានដើមកំណើតនៅខេត្តនេះ ។ ហើយតាមរយៈមុខម្ហូបមួយនេះ គេនឹងអាចសម្គាល់ដឹងបានថា ជាម្ហូបអ្នកខេត្តភាគឦសាន្ត និងមានលក់នៅតាមហាង ឬភោជនីយដ្ឋាននានាក្នុងខេត្ត ព្រមទាំងពេញនិយមផងដែរ ក្នុងការធ្វើម្ហូបប្រចាំថ្ងៃ និងពេលមានពិធីផ្សេងៗ សម្រាប់ទទួលភ្ញៀវ ។ ចាណាង ជាប្រភេទសម្លរដែលដាក់បន្លែច្រើនមានដូចជា ទំពាំង.ត្រប់.ធាងត្រាវ ឬក្តាត.ត្រួយល្ពៅ.ផ្សិតប៉ក់.សាច់គោ ឬសាច់ជ្រូកនិងស្លឹកដើមចាណាង ។
ទី២-មុខម្ហូបភីភា(ស៊ុបភា)មានរសជាតិល្វិងតិចៗ ឈ្ងុយឆ្ងាញ់ជាទីពេញនិយមខ្លាំងណាស់ ។
មុខម្ហូបមួយនេះគេអាចធ្វើបានតែសម្រាប់ប្រភេទសាច់សត្វណាដែលស៊ីស្មៅជាអាហារ។ មានបន្លែដាក់ផ្សំជាមួយនៅពេលបរិភោកដូចជាស៊ុបខ្មែរយើងដែរ ។ គ្រឿងផ្សំរួមមានសាច់និងគ្រឿងក្នុង របៀបធ្វើគេយកទឹកក្នុងពោះហ៊ុន មានលាមកខ្ចីលាយទឹកសាបដាក់ដាំឱ្យពុះ រួចបង់សាច់និងគ្រឿងក្នុងចូលរួចថែមគ្រឿងផ្សំរសជាតិគ្រប់មុខរំងាស់ជាការស្រេច ។ ពេលបរិភោកដាក់ភ្លើងកំដៅដាក់បន្លែចូល បើស្ទើរល្វិងអាចថែមទឹកប្រម៉ាត់ចូលនិងមានទឹកប្រហុក.គូគ្រីវបុកអំបឹលម្ទេសតាមតម្រូវការ ។
ទី៣-ម៉ាភាជាមុខម្ហូបរបៀបដូចញាំភ្លាមានបន្លែគ្រប់មុខ ញាំជាមួយសាច់និងគ្រឿងក្នុងគោលាយទឹកប្រម៉ាត់រស់ជាតិតិចៗ ពេលហូបមានទឹកប្រហុកដាក់លាយតាមការគួរ ។
ទី៤-ឡាបត្រីមុខម្ហូបពណ៌ខ្មៅប៉ិកៗ ធ្វើអំពីត្រីក្អី ឬត្រីឆ្លាត កោសសាច់ផ្សំជាមួយអង្ករលីងខ្លោចបុកផ្សំគ្រឿង ពេលហូបមានបន្លែច្រើនមុខផ្ទាប់ផងដែរ ។
ទី៥-កយ ធ្វើអំពីសាច់អាំងឆ្អឹនមានដូចជា.ជ្រូក.មាន់.ត្រី.សាច់គោផ្សំគ្រឿងមានបន្លែច្រើនទៀត ។
ទី៦-សេក ធ្វើអំពីសាច់ដូចស្រដៀងកយដែរផ្សំគ្រឿងមានបន្លែតែមានស្រោចឈាមស្រស់តិច ឬច្រើនតាមចំណូលចិត្ត ។
ទី៧. សម្លរប្រូង
ទី៨. សម្លរបុកម្សៅ
ទី៩. ត្រីកប់បំពង់ឫស្សី
ទី១០. បាយដំណើបប្រហុកដុតសាច់ងៀត
ទី១១. ត្រីបាខឹមជាប្រភេទត្រីរៀលពងពេញពោះប្រឡាកទាំងមូល មានលាយអង្កាមស្រដៀងនិងផ្អកដែរ ។
ទី១២. ផ្អកផ្សឹតប៉ក់
ទី១៣. កន្ទុយហេះ
ទី១៤. ញាំអង្រងប្រស្វា
និងទី១៥. គីមឈី ធ្វើអំពីស្បៃក្តោបហើយក៏នៅមានមុខម្ហូបជាច្រើនមុខផ្សេងទៀតដូចជា បុកគូគ្រីវបុកត្រប់ជាដើមផងដែរ ដែលជនជាតិដើមភាគតិចដាច់ស្រយាល និយមចូលចិត្តបរិភោគដំណរតាំងពីបុរាណកាលមក ៕ ត្នោត
