Sign In 
ប្រមុខរាជរដ្ឋាភិបាលកម្ពុជាសម្តេចតេជោហ៊ុន សែន បានក្រើនរម្លឹកឱ្យប្រជាពលរដ្ឋខ្មែរ ឱ្យប្រុងប្រយ័ត្នទប់ស្កាត់ការឆ្លងជំងឺកូវីដ១៩ ខណៈលោកបានរកឃើញថា ប្រជាពលរដ្ឋនៅក្នុងខេត្តព្រៃវែ ១០នាក់ពាក់មួកទាំង១០ តែពាក់ម៉ាស់មានតែម្នាក់ ដែលពេលនេះប្រជាពលរដ្ឋហាក់លែងខ្លាចកូវីដ១៩។
ថ្លែងនៅក្នុងពិធីចុះទៅពិនិត្យមើលមជ្ឈមណ្ឌលស្រាវជ្រាវ និងអភិវឌ្ឍន៍ពូជត្រី និងជួបសំណេះសំណាលជាមួយបងប្អូនប្រជាកសិករ នៅស្រុកពាមរក៍ ខេត្តព្រៃវែងនោះ សម្តេចតេជោ ហ៊ុន សែន បានកត់សម្គាល់ថា បងប្អូនខ្មែរ១០នាក់ដែលបើកបរម៉ូតូ គឺទាំង១០នាក់បានពាក់មួកការពារសុវត្ថិភាព ក៏ប៉ុន្តែសម្តេចសោកស្តាយដោយឃើញ១០នាក់ជិះម៉ូតូមានមួកពាក់មួកការពារសុវត្ថិភាពទាំង ១០ តែមានតែម្នាក់ប៉ុណ្ណោះពាក់ម៉ាស់ការពារ ។ “ពីមុនពេលកូវីដ១៩ ចូលដល់កម្ពុជា ខ្មែរពីមុនមានជំងឺភ័យខ្លាចជ្រុល តែឥឡូវបន្លាចលែងខ្លាចរឿងកូវីដ ១៩ ដូច្នេះសម្តេចអំពាវនាវជាថ្មីថា ម្នាក់ៗត្រូវការពារខ្លួន ពីកូវីដ១៩ ព្រោះការការពារកូវីដ ១៩ គឺផ្តើមពីមនុស្សម្នាក់ៗ ព្រោះឪពុកយើង ប្រពន្ធយើង ក៏មិនអាចជួយយើងបានដែរ”។
គិតត្រឹមព្រឹកថ្ងៃទី ១៤ កក្កដានេះ និស្សិតខ្មែរសរុប ៩០នាក់មកពីអារ៉ាប់ប៊ីសាអូឌីត គឺរកឃើញសរុប ២៤ នាក់ហើយដែលមានកើតកូវីដ ១៩ ដូច្នេះនៅសល់ប្រមាណ ៧០នាក់ទៀត តើនឹងមានទៀត ឬអត់?៕ ដោយ៖ត្នោត
