(កណ្ដាល)៖ ស្ត្រីជាតៃកុងឡានម្នាក់បានរបួសបាក់ជើង និងស្ត្រីរួមដំណើរម្នាក់ទៀតក៏របួសកជើងដូចគ្នា ក្រោយជិះឡានក្នុងល្បឿនលឿនហួសកំណត់ ខណៈដល់ ផ្លូវកោងបួងចង្កូតមិនទាន់ក៏ជ្រុលទៅបុកផ្ទះគេ និងបានបន្តបុកឡានគេ៣គ្រឿងបន្ថែមទៀត បណ្ដាលឱ្យខូចខាតសម្ភារៈរបស់គេយ៉ាងដំណំ។

ហេតុការណ៍នេះបានកើតឡើងនៅវេលាម៉ោង២២៖៣០នាទីយប់ថ្ងៃទី១៣ ខែកក្កដា ឆ្នាំ២០២០ នៅចំណុចខាងមុខផ្ទះលោក សៀក ប៊ុនលី លើផ្លូវជាតិលេខ២ ស្ថិតនៅភូមិដើមគរ សង្កាត់ដើមមៀន ក្រុងតាខ្មៅ នគរបាលបានឲ្យដឹងថា រថយន្តបង្ករម៉ាក TOYOTA CAMRY ពណ៌ស ពាក់ផ្លាកលេខកណ្ដាល 2D- 9919 អ្នកបើករថយន្តមិនទាន់ស្គាល់ឈ្មោះ ភេទស្រី (រងរបួសបាក់ភ្លៅខាងឆ្វេង ត្រូវបានបងប្អូនយកទៅព្យាបាលនៅមន្ទីរពេទ្យដោយខ្លួនឯង) និងអ្នករួមដំណើរម្នាក់ឈ្មោះ ហ៊ សេងហ៊ាង ភេទស្រី អាយុ២០ឆ្នាំ មានទីលំនៅភូមិតាខ្មៅ សង្កាត់តាខ្មៅ ក្រុងតាខ្មៅ (របួសករជើងខាងស្ដាំ)។

ប្រភពបន្តថា រថយន្តនេះបានបើកក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើក៏បានបុកចូលផ្ទះលោក សៀក ប៊ុនលី រួចរថយន្តបង្កបានខ្ទៀតបន្ត ទៅបុករថយន្ត០៣គ្រឿងថែមទៀត ដែលចតនៅខាងមុខយានដ្ឋានជួសជុលរថយន្ត សេង ហុង ដែលមានរថយន្តម៉ាក starex , រថយន្តម៉ាក RAV 4, រថយន្តម៉ាក Land cruiser ខូតខាតរថយន្ត០៤គ្រឿង(ធ្ងន់០១គ្រឿង) និងទ្វាផ្ទះទ្វាដែកប្រវែង ០៨ម៉ែត្រ។

ករណីនេះ នគរបាលបានយកមធ្យោបាយដែលពាក់ព័ន្ធទៅរក្សាទុកបណ្ដោះ អាសន្ននៅអធិការដ្ឋាន ដើម្បីចាត់ការតាមនិតិវិធី ៕ ផេងភាព

from： https://tnaot.com/km/m/detail/article/9485003