Sign In 
យោងតាមរបាយការណ៍របស់ក្រសួងកសិកម្មរុក្ខាប្រមាញ់និងនេសាទ ដែលTNAOT APP បានទទួលកាលពីពេលថ្មីៗនេះ បានឱ្យដឹងថា ដំណាំស្រូវនៅខេត្តចំនួន១០ កំពុងរងផលប៉ះពាល់ និងខូចខាតដោយគ្រោះរាំងស្ងួត។ ដំណាំស្រូវបានទទួលរងផលប៉ះពាល់សរុបចំនួន១៣៤ ៥៣២ហ.ត ស្មើនឹង៩,៨៤%។
បើតាមការវាយតម្លៃ ដំណាំស្រូវ ដែលបានរងផលខូចខាតជាក់ស្តែង មានចំនួនសរុប ៧៦៨៥ហ.ត ស្មើនឹង៥,៧១% នៃផ្ទៃដីផលប៉ះពាល់សរុប។
ផលិតកម្មដំណាំស្រូវរដូវវស្សា ក្នុងឆ្នាំ២០២០នេះ ល្បឿនការងារបង្កបង្កើនផលដំណាំស្រូវរដូវវស្សា គិតត្រឹមថ្ងៃទី៣១ ខែសីហា មានផ្ទៃដីភ្ជួររាស់សម្រេចបានចំនួន ២៦២៦ ២៥៩ហ.ត។
នៅក្នុងខែសីហា ឆ្នាំ២០២០នេះ ការងារបង្កបង្កើនផលស្រូវរដូវវស្សា បានធ្វើការដាំដុះបានចំនួនជាង២ ៥៤៧ ៤២០ហ.ត ស្មើនឹង៩៨,៤៣% នៃផែនការចំនួន២៥៨៨១៣០ហ.ត។
ដោយឡែក ការប្រមូលផលស្រូវស្រាល ដើមរដូវវស្សាវិញ ការប្រមូលផលស្រូវស្រាលសម្រេចបានចំនួន១៨១ ៦២៤ហ.ត ដោយទទួលបរិមាណផលស្រុបចំនួន ៧៤០ ៣០៧តោន លើសឆ្នាំមុនចំនួន ៥៥៣៣៩តោន និងទទួលបានទិន្នផលគិតជាមធ្យម ៤,០៧៦តោន/ហ.ត។
សម្រាប់ការភ្ជួររាស់ដោយគោ-ក្របីមានចំនួន ២៤១៤១ហ.ត និងដោយគ្រឿងយន្តមានចំនួន២៦០២ ១១៨ហ.ត តិចជាងឆ្នាំមុនចំនួន ២៧ ៦៦៦ហ.ត នៃផ្ទៃដីសាបសម្រេចបានចំនួន១៤ ៥៦៣ហ.ត តិចជាងឆ្នាំមុនចំនួន៨០០៣ហ.ត។
ផ្ទៃដីស្ទូង និងព្រោះសម្រេចបានចំនួន ២៥៤៧ ៤២០ហ.ត ស្មើនឹង ៩៨,៤៣% នៃផែនការចំនួន២៥៨៨ ១៣០ហ.ត លើសឆ្នាំមុនចំនួន ៧១ ១៩៩ហ.ត៕ ដោយ៖ ឃួន លក្ខិណា
