ភ្នំពេញ៖ ប្តីកំណាចសម្លាប់ប្រពន្ធរបស់ខ្លួនរត់គេចខ្លួនបាន២ថ្ងៃត្រូវប៉ូលិសស្រាវជ្រាវឃាត់ខ្លួនបានហើយ។

លោកវរៈសេនីយ៍ត្រី ម៉ៅសាវឿនបានប្រាប់ឲ្យដឹងថានៅវេលាម៉ោង១១ថ្ងៃទី១៣ខែកក្កដាឆ្នាំ២០២០នេះ កម្លាំងព្រហ្មទណ្ឌប៉ុស្តិនគរបាលរដ្ឋបាលស្ទឹងមានជ័យទី១បានបើកការស្រាវជ្រាវឃាត់ខ្លួនជនសង្ស័យម្នាក់នៅចំនុចភូមិទ្រាសង្កាត់ស្ទឹងមានជ័យទី១ខណ្ឌមានជ័យពាក់ពន្ធ័និងករណីឃាតកម្មកាលពីយប់ថ្ងៃទី១១ខែកក្កដាឆ្នាំ២០២០កន្លងទៅនេះ។

សមត្ថកិច្ចបានឲ្យដឹងថាជនសង្ស័យដែលឃាត់ខ្លននេះមានឈ្មោះ កែវ វណ្ណះ ភេទប្រុសអាយុ២៨ឆ្នាំមុខរបររើសអេតចាយ ស្នាក់នៅដីឡូត៍ចំនុចកើតហេតុខាងលើ។

ក្រោយពេលឃាត់ខ្លួនជនសង្ស័យខាងលើនេះរួចមកសមត្ថកិច្ចបានបញ្ជូនមកធ្វើការសាកសួនៅប៉ុស្តិនគរបាលស្ទឹងមានជ័យទី១ នៅចំពោះមុខសមត្ថកិច្ចជនសង្ស័យខាងលើបានសារភាពថារូបគេបានយកដងពូថៅញ៉ុកចូលមាត់ប្រពន្ធរបស់ខ្លួនបណ្តាលឲ្យស្លាប់ពិតប្រាកដមែនមូលហេតុដោយរូបគេឃើញប្រពន្ធរបស់ខ្លួនមានអាការៈប្រកាច់ទើបគេយកស្លាបព្រាជួយគាស់គល់ធ្គាមដោយគាស់មិនហើបទើបរូបគេយកដងពូថៅជួយគាស់ហើយរុកញ៉ុកចូលមាត់បណ្តាលឲ្យនាងស្លាប់ឃើញដូច្នេះរូបគេភ័យពេកក៏បានរត់គេចខ្លួនតែម្តង។

ក្រោយពេលគេចខ្លួនបានរយះពេល២ថ្ងៃទើបកម្លាំងសមត្ថកិច្ចបើកការស្រាវជ្រាវឈានដល់ការចាប់ឃាត់ខ្លួនជនសង្ស័យខាងលើនេះបាន។

បច្ចុប្បន្នជនសង្ស័យខាងលើកំពុងតែឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌមានជ័យនិងកសាងសុំនុំរឿងបញ្ជូនទៅតុលាការចាត់ការតាមនិតិវិធី។ ដោយ៖ សួង សាម

from： https://tnaot.com/km/m/detail/article/9482072