Sign In 
គិតមកត្រឹម២៤ម៉ោងចុងក្រោយនេះ WHO បានរកឃើញពីការកើតមានវីរុសកូវីដ១៩ ច្រើនជាងគេ ដែលស្ថិតនៅលើប្រជាជន កំពុងរស់នៅសហរដ្ឋអាមេរិក ប្រេស៊ីល ឥណ្ឌា និងអាហ្វ្រិកខាងត្បូងជាដើម។
សហរដ្ឋអាមេរិក នៅតែជាប្រទេស ដែលមានមនុស្សស្លាប់ច្រើនជាងគេ ដល់ទៅ១៣៥.០៦៦នាក់ ដោយឡែកប្រេស៊ីលមានអ្នកស្លាប់ឡើងដល់ជាង៧២.០០០នាក់ អង់គ្លេសស្លាប់៤៤.៨១៩ អ៊ីតាលីស្លាប់៣៤.៩៥៤នាក់ និងម៉ិកស៊ិកមានអ្នកស្លាប់៣៤.៧៣០នាក់។
ជាមួយគ្នានេះ អង្គការសុខភាពពិភពលោកWHO បានសម្គាល់ឃើញថា នាថ្ងៃទី១២កក្កដា អ្នកឆ្លងវីរុសCOVID-19ថ្មី កើនដល់ជាង២៣០.៣៧០នាក់លើពិភពលោក ដែលនោះជាចំនួនដ៏ច្រើនបំផុតមួយ។
ការកើនឡើងខ្លាំងបំផុតនៃអ្នកឆ្លងវីរុសប្រចាំថៃ្ង ដែលមានខ្ពស់បំផុតមួយទៀត ត្រូវបានកត់សម្គាល់ឃើញ កាលពីថ្ងៃទី១០កក្កដាកន្លងទៅ ជាមួយអ្នកឆ្លងថ្មី២២៨.១០២នាក់។ ចំណែកចំនួនអ្នកស្លាប់នៅនឹងប្រមាណជា៥.០០០នាក់ ក្នុង១ថ្ងៃលើពិភពលោក៕ដោយ៖ត្នោត
