Sign In 
សម្តេចតេជោអំពាវនាវគណៈគ្រប់គ្រងសាលាប្រកាន់ភ្ជាប់អនុវត្តិវិធានការពារសុវត្ថិភាពសុខភាព
រាជធានីភ្នំពេញ ៖ ដើម្បីទប់ស្កាត់ការឆ្លងជំងឺកូវីដ១៩ ក្នុងដំណាក់កាលបើកសាលារៀនដំណាក់កាលទី២ សម្តេចតេជោ ហ៊ុន សែន នាយករដ្ឋមន្ត្រីបានអំពាវនាវដល់គណៈគ្រប់គ្រងសាលាទាំងអស់អនុវត្តវិធានការការពារសុវត្ថិភាពឲ្យបានជាប់និច្ច ។
សម្តេចបានសរសេរលើបណ្តាញសង្គម នៅថ្ងៃទី៨ ខែកញ្ញា ឆ្នាំ២០២០ យ៉ាងដូច្នេះថា ៖«ក្នុងដំណាក់កាលទី២ នៃបើកសាលារៀនឡើងវិញនេះ ខ្ញុំសូមអំពាវនាវដល់គណៈគ្រប់គ្រង លោកគ្រូ អ្នកគ្រូ និងសិស្សានុសិស្សទាំងអស់ សូមប្រកាន់ភ្ជាប់នូវការអនុវត្តវិធានការពារសុវត្ថិភាពសុខភាពជានិច្ច ដើម្បីការពារការចម្លងជំងឺកូវីដ១៩ទាំងអស់គ្នា ជាពិសេសបន្តបង្ហាត់បង្រៀនសិស្សដោយឧស្សាហ៍ដុសលាងសម្អាតដៃជាមួយសាប៊ូ ជែល ទឹកអាល់កុល និងពាក់ម៉ាសឲ្យបានញឹកញាប់ ហើយអនុវត្តទៅតាមការ ណែនាំរបស់ក្រសួងសុខាភិបាល ។ជាមួយគ្នានោះដែរ សម្តេចតេជោ ក៏បានសូមថ្លែងអំណរគុណដល់គណៈគ្រប់គ្រងគ្រឹះស្ថានសិក្សារដ្ឋ និងឯកជនទាំងអស់ដែលចូលរួមជាមួយរាជរដ្ឋាភិបាលក្នុងការប្រយុទ្ធប្រឆាំងនឹងជំងឺកូវីដ១៩ ឲ្យធានាបាននូវសុវត្ថិភាព ដល់សិស្សានុសិស្ស បុគ្គលិកអប់រំ មាតាបិតា ក៏ដូចជា សហគមន៍ទាំងមូល ។
សូមជម្រាបថា គិតត្រឹមថ្ងៃទី៨ ខែកញ្ញា ឆ្នាំ២០២០ ជាថ្ងៃទី២ ហើយនៃការបើកសាលារៀនមួយចំនួននៅទូទាំងប្រទេសខណៈសាលារៀនបានបិទទ្វារអស់រយៈពេល៦ខែមកហើយ ដើម្បីទប់ស្កាត់ការរីករាលដាលជំងឺកូវីដ១៩ ។ ក្រសួងអប់រំបានបញ្ជាក់ការបើកដំណើរការសាលារៀនដំណាក់កាលទី២ បានប្រព្រឹត្តិ ទៅដោយរលូន និងល្អប្រសើរ ។
សូមជម្រាប់ថា យោងតាមសេចក្ដីណែនាំរបស់ ក្រសួងអប់រំ យុវជន និងកីឡា បានចែងថា សាលារៀន ត្រូវរៀបចំបរិស្ថានសិក្សាប្រកបដោយ សុវត្ថិភាព បរិយាបន្ន ផាសុកភាព និងមេត្រីភាព កៅអីអង្គុយសម្រាប់ សិស្សានុសិស្ស ត្រូវរក្សាគម្លាតសុវត្ថិភាពយ៉ាងហោចណាស់ ២ម៉ែត្រ និងរៀបចំចំណុះថ្នាក់ ដោយកំណត់សិស្សមិនឲ្យលើសពី១៥ ទៅ២៥នាក់ក្នុ ងមួយថ្នាក់ កាត់បន្ថយការប្រមូលផ្ដុំជាដើម។
ដោយឡែកឆ្នាំសិក្សា ២០២០-២០២១ នឹងត្រូវអនុវត្ត ចាប់ពីថ្ងៃទី១១ ខែមករា ឆ្នាំ២០២១ តទៅ៕ ផ្តល់សិទ្ធដោយ៖កោះសន្តិភាព
