អាមេរិក៖ ចាត់ទុកជាដំណឹងល្អសម្រាប់សហរដ្ឋអាមេរិក ក្រោយពីអភិបាលក្រុងញូវយ៉ក លោក Andrew Cuomo បានលើកឡើងនៅថ្ងៃទិវាពលកម្មអាមេរិកថា ទីក្រុងនៅពេលនេះមានអត្រាឆ្លងឆ្លងទាបជាង ១% សម្រាប់រយៈពេល ៣១ថ្ងៃចុងក្រោយនេះ។ នេះបើយោងតាមប្រភពព័ត៌មាន CNN ។

អភិបាលក្រុងបាននិយាយនៅក្នុងសេចក្តីប្រកាសព័ត៌មានមួយថា មានសេចក្តីរាយការណ៍អំពីការស្លាប់ដោយសារមេរោគនេះចំនួនពីរបន្ថែមទៀត។ លោក Cuomo បាននិយាយនៅក្នុងសេចក្តីប្រកាសព័ត៌មានមួយថា «អរគុណដល់ការខិតខំរបស់ប្រជាជនញូវយ៉ក ពេលនេះរដ្ឋរបស់យើងបានចំណាយពេលមួយខែពេញហើយ ជាមួយនឹងអត្រាឆ្លងមេរោគកូវីដនៅទាបជាង១%» ។

លោកបានបន្ថែមទៀតថា «ចំនួនករណីឆ្លងរបស់យើងនៅតែបន្តមានស្ថេរភាព ទោះបីជាយើងឈានដល់ដំណាក់កាលថ្មីនៃការបើកដំណើរការការបន្ធូរបន្ថយជាដំណាក់កាលរបស់យើងក៏ដោយ ក្នុងរយៈពេលប៉ុន្មានសប្តាហ៍និងខែខាងមុខ» ។

លើសពីនេះទៀតអាជ្ញាធរជាតិគ្រប់គ្រងស្រានិងក្រុមការងារប៉ូលីសរដ្ ឋបានចុះទៅគ្រឹះស្ថានចំនួនជាង ១០០០ នៅទីក្រុងញូវយ៉កនិងនៅ Long Island ហើយបានសង្កេតឃើញមាន ៧កន្លែង ដោយមិនគោរពតាម។

គួរបញ្ជាក់ផងដែរថា ទិន្នន័យខាងលើនេះ ត្រូវបានចេញផ្សាយដោយទីភ្នាក់ងារសុខភាពសាធារណៈរបស់រដ្ឋ ហើយប្រហែលជាមិនមានភាពជាក់លាក់ក្នុងពេលជាក់ស្តែងជាមួយនឹងទិន្នន័យរបស់ CNN ដែលដកស្រង់ចេញពីទិន្នន័យរបស់សាកលវិទ្យាល័យ Johns Hopkins និង Covid Tracking Project៕ ផ្តល់សិទ្ធដោយ៖កោះសន្តិភាព

from： https://tnaot.com/km/m/detail/article/9672107